Bydd ein timau yn dechrau cynnig brechiadau atgyfnerthu COVID-19 y Gwanwyn i bobl gymwys ar draws Gogledd Cymru o 2 Ebrill ymlaen
Yn dilyn cyngor gan y Cyd-bwyllgor ar Imiwneiddio a Brechu (JCVI) a Llywodraeth Cymru, bydd brechlyn atgyfnerthu'r Gwanwyn yn cael ei gynnig i'r rhai sy'n wynebu'r risg fwyaf o COVID-19. Mae hyn yn cynnwys:
Mae tua 100,000 o bobl ar draws Gogledd Cymru yn gymwys i dderbyn brechiad atgyfnerthu'r Gwanwyn, a fydd yn ychwanegu at eu hamddiffyniad rhag salwch difrifol a achosir gan y firws. Bydd y pigiad atgyfnerthu yn cael ei gynnig tua chwe mis ar ôl eu dos olaf o'r brechlyn. Mwy o wybodaeth am y brechlyn atgyfnerthu COVID-19 ar gyfer y Gwanwyn ar gael yma.
Yn ystod mis Ebrill, bydd ein timau brechu yn ymweld â chartrefi gofal i oedolion hŷn i gynnig brechiad atgyfnerthu'r Gwanwyn i breswylwyr. Byddwn hefyd yn cysylltu â phobl sy'n gaeth i'r tŷ i drefnu brechiad.
Fel mewn ymgyrchoedd brechu COVID-19 blaenorol, bydd yr holl bobl eraill sy'n gymwys ar gyfer pigiad atgyfnerthu'r Gwanwyn yn cael eu gwahodd i apwyntiad mewn canolfan frechu gymunedol gyfagos trwy lythyr. Byddwn yn postio'r llythyrau apwyntiad dros yr wythnosau nesaf.
Disgwyliwn i’r apwyntiadau cyntaf gael eu cynnal yn ein canolfannau brechu cymunedol o ganol mis Ebrill ymlaen, a byddant yn cael eu cynnal drwy gydol mis Mai a mis Mehefin.
Byddwn yn ysgrifennu at bobl gymwys i gynnig apwyntiad yn nhrefn blaenoriaeth glinigol. Byddwch yn cael apwyntiad pan ddaw eich tro. Gofynnwn yn garedig i chi fod yn amyneddgar – nid oes angen i chi gysylltu â ni.
Gwiriwch eich llythyr apwyntiad yn ofalus oherwydd efallai bod lleoliad eich clinig brechu agosaf wedi newid ers rhaglen yr Hydref.
Bydd rhaglen brechiadau atgyfnerthu rhag COVID-19 yr Hydref yn dod i ben ar 28 Mawrth.
Mae'r bwrdd iechyd yn galw ar unrhyw un sy'n gymwys i gael y brechlyn ond sydd heb ei gael eto i ddod ymlaen dros y 2 wythnos nesaf.
Rydym yn arbennig o awyddus i annog pobl rhwng 65 a 74 oed ac unrhyw un sydd â system imiwnedd wannach na'r cyffredin, i ychwanegu at eu hamddiffyniad a lleihau eu risg o salwch difrifol.
Gallwch wirio eich cymhwysedd yma. Mae manylion ein clinigau brechu galw-heibio gan gynnwys lleoliadau, dyddiadau ac amseroedd yma.