Planned care FAQs

Unwaith y byddwch wedi trafod eich opsiynau yn ystod eich ymgynghoriad, mae gennych 14 diwrnod i wneud penderfyniad yn seiliedig ar yr opsiynau a drafodir a gallwch gysylltu â ni gan ddefnyddio'r wybodaeth a ddarperir yn eich llythyr. Byddwn yn cysylltu â phob un o'n cleifion ar y rhestr aros er mwyn canfod beth yw eu hanghenion yn hytrach nag aros nes cynnig apwyntiad iddynt.

Defnyddiwch y manylion cyswllt yn y llythyr yr ydych wedi'i dderbyn gennym er mwyn rhoi gwybod i ni sut mae'ch cyflwr wedi newid. Yna, caiff hyn ei adolygu ac os bydd unrhyw bryderon, byddwn yn cysylltu â chi er mwyn trafod apwyntiad i drafod hyn ymhellach.

Gallwch gysylltu â'ch meddyg teulu am gymorth pellach hefyd.

Mae nifer o ffyrdd y gallwn gysylltu â chi ar gyfer eich ymgynghoriad. Caiff y dull gorau o wneud hynny ei drafod gyda chi ymlaen llaw.

Ar ddechrau'r pandemig COVID-19 ac ynghyd â Byrddau Iechyd ac Ymddiriedolaethau eraill yng Nghymru ac yn y DU, bu'n rhaid i ni ohirio gweithredoedd wedi'u cynllunio er mwyn gofalu am gleifion â COVID-19. O ganlyniad, mae gennym gleifion erbyn hyn a fydd yn aros yn hirach am eu gweithredoedd a'u triniaethau wedi'u cynllunio.

Rydym bellach mewn sefyllfa i ailddechrau gwasanaethau ac mae ein clinigwyr yn blaenoriaethu llawdriniaethau a gweithredoedd yn nhrefn blaenoriaeth glinigol. Ar ôl adolygu ein cleifion yn glinigol, rydym yn cysylltu â chi er mwyn deall p'un a oes unrhyw beth wedi newid o ran eich amgylchiadau ers y pandemig ac ers i chi gael eich ychwanegu at y rhestr aros yn y lle cyntaf. Mae'n bwysig i ni ddeall eich cyflwr clinigol a'ch gofynion presennol.

Bydd y llythyr yn rhoi gwybod i chi beth i'w wneud nesaf yn seiliedig ar eich penderfyniadau a bydd yn gyfle i chi rannu gwybodaeth newydd gyda ni. 

Bydd meddyg ymgynghorol yn cysylltu â'ch practis meddyg teulu er mwyn rhoi gwybod iddynt p'un a ydych wedi penderfynu i'ch enw gael ei ddileu oddi ar y rhestr aros neu os hoffech gael apwyntiad i drafod eich cyflwr a'ch opsiynau.

Os bydd gennych unrhyw gwestiynau neu bryderon, trafodwch y rhain gyda ni trwy ddefnyddio'r manylion cyswllt a ddarperir yn eich llythyr. Caiff apwyntiad ei drefnu gyda chi naill ai trwy gyswllt fideo, wyneb yn wyneb neu dros y ffôn i drafod hyn ymhellach.

Os hoffech ganslo neu ohirio eich gweithred neu'ch triniaeth, mae croeso i chi gysylltu. Byddwch naill ai'n cael eich rhyddhau neu bydd apwyntiad yn cael ei drefnu i drafod hyn ymhellach os teimlwn y dylech barhau i gael triniaeth.

Ein blaenoriaeth yw lleihau oedi o ran ein cleifion sy'n derbyn y gweithredoedd y mae arnynt eu hangen mewn amgylchedd diogel. Mae'n bwysig rhannu gwybodaeth gyda ni gan y byddwn yn adolygu ein holl gleifion er mwyn blaenoriaethu'r rheiny sydd â'r angen mwyaf brys. Er na allwn fod yn sicr eto o ran pa bryd y byddwch yn derbyn dyddiad ar gyfer eich gweithred, byddwn yn cysylltu â chi gyda rhagor o wybodaeth wrth i ni ddechrau cynyddu nifer y gwasanaethau y gallwn eu cynnig. Mae angen hefyd i ni sicrhau ein bod yn cadw ein cleifion yn ddiogel wrth i ni barhau i drin achosion COVID-19 tra byddwn yn adfer o'r effaith y mae'r pandemig wedi'i chael ar ein gwasanaethau. Mae ein staff yn gweithio'n galed ac yn gwneud eu gorau glas gan barhau i roi diogelwch cleifion yn gyntaf. 

Hoffem roi sicrwydd i chi ein bod yn gwneud popeth o fewn ein gallu, a hynny cyn gyflymed â phosibl, gan roi diogelwch cleifion yn gyntaf. 

Ein prif flaenoriaeth yw lleihau amseroedd aros ac osgoi oedi i'n cleifion, gan gynnal amgylchedd sy'n ddiogel rhag COVID-19. 

Os gallwch wella eich iechyd a’ch lefelau gweithgarwch, rydych yn fwy tebygol o ddod dros driniaeth a gweithredoedd yn gynt. Mae'n bwysig i chi gynllunio ar gyfer eich gweithred gan y bydd yn eich helpu i deimlo bod gennych reolaeth ac i gael eich rhyddhau'n gynt fel y gallwch ddychwelyd i'r drefn arferol yn gynt.

Gofynnir i gleifion ynysu am hyd at 3 diwrnod cyn diwrnod eu llawdriniaeth ac i gael prawf COVID-19 72 awr cyn eu gweithred. Mae hyn er mwyn cydymffurfio ag arweiniad llym ar Atal Heintiau i gadw, nid yn unig ein staff, ond hefyd gleifion eraill yn yr ysbyty, mor ddiogel â phosibl.