Gwynedd a Mon

Asesu ac ymyrryd ar gyfer:

• Sgiliau motor mawr
• Sgiliau motor man
• Sgiliau Gwisgo
• Anawsterau amser bwyd
• Toiledu
• Gofal Personol - brwsio dannedd, brwsio gwallt ayyb.
• Ymolchi
• Sgiliau Siswrn
• Llawysgrifen
• Breichiau a dwylo - sblintio, ymarferion cryfhau
• Anghenion symyd a thrin
• Offer sy'n cynorthwyo yn y sgiliau bob dydd uchod
• Cyfrannu at asesiadau risg

Atgyfeiriadau Prosesu Synhwyraidd - Ni all y tîm hwn gynnig asesiadau synhwyraidd fel ffordd o egluro materion ymddygiadol a chymdeithasol plentyn. Byddwn yn gwneud ein gorau i gyfeirio'r cyfeiriwr at lwybrau amgen addas lle maent yn bodoli. *Rhagor o wybodaeth am Anawsterau Prosesu Synhwyraidd*

Dewch o hyd i'n ffurflen atgyfeirio ddiweddaraf yma: Ffurflen Atgyfeirio OT Plant

I fod yn gymwys ar gyfer y gwasanaeth rhaid i’r plentyn neu’r person ifanc:

• Fod o dan 18 oed (neu dal mewn addysg llawn amser)
• Bod dros 5 oed i asesu sgiliau motor man a/neu motor mawr cyffredinol
• Byw neu fynychu ysgol yng Ngwynedd a Môn

• Bod yn cael anawsterau sylweddol gyda thasgau bob dydd sy'n is na'r disgwyl o ran oedran datblygiadol y plentyn. Rhaid iddynt gael effaith sylweddol ar weithrediad y plentyn.
• Bod yn bwysig i'r plentyn a'r teulu i wella y sgiliau
• Cael effaith sylweddol ar eu hanghenion dysgu

Atgyfeiriadau Prosesu Synhwyraidd - Ni all y tîm hwn gynnig asesiadau synhwyraidd fel ffordd o egluro materion ymddygiadol a chymdeithasol plentyn. Byddwn yn gwneud ein gorau i gyfeirio'r cyfeiriwr at lwybrau amgen addas os ydynt yn bodoli. Mae rhagor o wybodaeth a chyngor ar gael ar ein tudalennau prosesu synhwyraidd

Sut i gyfeirio

Mae’n rhaid bod yr atgyfeiriwr wedi cael caniatâd y rhieni/gwarcheidwaid i wneud yr atgyfeiriad. Byddwn yn prosesu’r cais hwn yn ddidwyll i chi gael caniatâd y rhiant.

Fel arfer rydym yn cynnig y cyfle i bob plentyn gael apwyntiad ar ôl derbyn yr atgyfeiriad.

Unwaith y bydd yr atgyfeiriad wedi'i dderbyn, byddwn yn penderfynu a ddylid cynnig asesiad ar sail y wybodaeth a ddarparwyd. Os bydd yr atgyfeiriad yn cael ei dderbyn yna bydd y plentyn yn cael ei roi ar y rhestr aros a'i ddyrannu i therapydd penodol.

O bryd i'w gilydd efallai y byddwn yn teimlo nad yw anawsterau'r plentyn, fel y'u cyflwynir ar yr atgyfeiriad, yn briodol i'n gwasanaeth ac efallai mai'r ffordd orau o ddiwallu ei anghenion yw gan wasanaeth arall. Byddwn yn hysbysu'r atgyfeiriwr a fydd yn gyfrifol am wneud yr atgyfeiriad i'r gwasanaeth priodol.

Cwblhewch y ffurflen atgyfeirio a'i chyflwyno trwy e-bost neu'r post. Os hoffech drafod yr atgyfeiriad, cysylltwch â ni drwy e-bost BCU.ChildrensOTWest@wales.nhs.uk

  Ar hyn o bryd, rydym yn ystyried atgyfeiriadau gan:

• Pediatregwyr, meddygon teulu, nyrsys ysgol a gweithwyr iechyd proffesiynol eraill
• Gwasanaethau cymdeithasol
• Seicolegwyr addysg a chydlynwyr anghenion dysgu ychwanegol (CADY)

 Nid ydym yn derbyn cyfeiriadau newydd gan rieni, ond gallwn dderbyn cyfeiriadau gan rieni os ydynt wedi bod yn hysbys i’r gwasanaeth yn y gorffennol.

Asesiad

Os nad yw'ch plentyn wedi gweld Therapydd Galwedigaethol o'r blaen mae'n debygol y bydd yn cael cynnig apwyntiad uniongyrchol.

Byddai’n ddefnyddiol pe gallech, wrth baratoi ar gyfer yr ymgynghoriad, gael clipiau fideo byr o’ch plentyn yn cymryd rhan mewn gweithgareddau sy’n anodd iddynt.

• Peidiwch â chyrraedd yr adran fwy na 5 munud cyn eich apwyntiad - mae hyn er mwyn caniatáu ar gyfer glanhau a dileu'r risg o groesi â'r apwyntiad blaenorol
• Bydd yr asesiad yn para tua 60 munud
• Ceisiwch beidio â dod â brodyr a chwiorydd gyda chi oherwydd gall hyn effeithio ar ansawdd ein hasesiad a'n hymyriadau
• Bydd cyfleusterau diheintio dwylo neu olchi dwylo ar gael wrth fynd i mewn ac allan o'r adeilad.
• Bydd yr asesiad ond yn edrych ar anawsterau eich plentyn fel y'u nodwyd yn yr atgyfeiriad, oni bai bod eraill sy'n flaenoriaeth na chawsant eu crybwyll yn wreiddiol.

Ar ôl eich Apwyntiad

Mae nifer o ganlyniadau posibl ar ddiwedd eich apwyntiad cyntaf:

• Mae’n bosibl na fydd angen ymyrraeth bellach ar eich plentyn a chael ei asesu fel un sy’n datblygu o fewn terfynau arferol ar gyfer plentyn o’r un oedran
• Mae’n bosibl y byddwch yn cael rhywfaint o gyngor a strategaethau i roi cynnig arnynt gartref gyda’ch plentyn a chael eich rhyddhau o’r gwasanaeth
• Efallai y cewch gynnig sesiynau pellach os oes angen cyngor pellach ar eich plentyn ar ôl rhoi cynnig ar y strategaethau
• Gall eich plentyn gael ei gyfeirio at weithiwr proffesiynol arall am asesiad pellach, er enghraifft Ffisiotherapydd neu Therapydd Iaith a Lleferydd

Bydd yr atgyfeiriwr yn cael gwybod bod eich plentyn wedi mynychu eu hapwyntiad Therapi Galwedigaethol

Gwenno Davies - Arweinydd Tim Therapi Galwedigaethol Plant a Therapydd Galwedigaethol Newyddenedigol

Yn gweithio'n llawn amser

Manon Thomas - Therapydd Galwedigaethol Plant

Yn gweithio'n llawn amser

Alice Hawken - Therapydd Galwedigaethol Plant

Yn gweithio'n llawn amser

Ellen Owen - Hyfforddwr Technegol Therapi Galwedigaethol

Yn gweithio'n llawn amser

Ceri Griffith - Gweinyddes

Dyddiau gwaith: Dydd Llun a dydd Iau