Mae'r adran yn cynnig sbectrwm eang o brofion ar gyfer gwneud diagnosis a monitro afiechyd, ac ymateb i therapi. Bydd y rhain yn mesur lefelau cydrannau cellog, biolegol a chemegol penodol hylifau'r corff sy'n ofynnol i asesu neu fonitro swyddogaeth / camweithrediad organau.
Mae’r profion a wneir yn cynnwys profion glwcos yn y gwaed, electrolytau, ensymau, hormonau, lipidau (brasterau), sylweddau metabolaidd eraill, dadansoddi cyffuriau, cyfrif gwaed llawn, gludedd plasma, cyfradd gwaddodi erythrocyte, mononiwcleosis heintus a sgrinio Malaria. Perfformir y profion hyn gan ddefnyddio offer cwbl awtomatig a soffistigedig, sy'n gallu trin niferoedd uchel o samplau, a sicrhau fod y canlyniadau ar gael yn gyflym iawn.