Cefnogaeth gyda beichiogrwydd, y geni, a thu hwnt

Os ydych chi a’ch partner yn cynllunio beichiogi ar hyn o bryd, gall dilyn y cyngor iechyd a ffordd o fyw iach wella eich siawns o feichiogrwydd iach.   

Cefnogaeth yn ystod beichiogrwydd

Mae llawer o bethau y gallwch chi eu gwneud i gymryd rhan yn y beichiogrwydd a chefnogi'r unigolyn sy'n feichiog:

• Sicrhewch ei bod yn bwyta’n iach.
• Cofiwch ei hannog i gymryd fitaminau ac atchwanegiadau yn ystod ei beichiogrwydd.
• Gwnewch yn siŵr ei bod yn siarad â’r Meddyg Teulu os ydy hi’n cymryd meddyginiaeth rheolaidd. Yn ddelfrydol, dylai hyn ddigwydd cyn i chi ddechrau trio am fabi, neu cyn gynted ag y byddwch chi'n darganfod ei bod yn feichiog.  
• Rhowch gefnogaeth iddi wrth i’w chorff newid. Dewch o hyd i ragor o wybodaeth am broblemau iechyd cyffredin yn ystod beichiogrwydd. Cofiwch, ar bob cyfle, ei hannog i siarad gyda’i bydwraig neu ei Meddyg Teulu os ydy hi’n poeni am unrhyw symptomau yn ystod ei beichiogrwydd.  
• Gallwch ei chefnogi trwy ei helpu i orffwys a mynd i’r afael ag unrhyw waith corfforol.
• Ymunwch â dosbarthiadau cynenedigol lleol gyda’ch gilydd.

Gwybodaeth i bartneriaid geni

Y peth pwysicaf sydd ei angen gennych chi, fel y partner geni, yw bod yno i’ch partner wrth iddi baratoi i roi genedigaeth i’r babi. Gallwch ei chynorthwyo i baratoi ar gyfer y geni trwy:  

• Ei helpu i bacio ei bag ysbyty gydag eitemau hanfodol. Cofiwch bacio ambell beth hanfodol ar eich cyfer chithau hefyd.
• Bod yno i dawelu ei meddwl am unrhyw ofnau neu bryderon sydd ganddi am y geni.  
• Ei helpu i benderfynu beth mae hi’n dymuno ei gynnwys yn ei chynllun geni gan y gall hyn fod yn fodd iddi deimlo fod ganddi fwy o reolaeth.
• Cynllunio eich i’r ffordd uned famolaeth.
• Cael sedd car y babi’n barod.
• Paratoi iddi ddychwelyd adref o’r ysbyty wedi i’r babi gael ei eni.

Does dim modd gwybod sut brofiad bydd y geni, neu sut bydd yr un ohonoch yn ymdopi, ond fe all y partner geni helpu mewn sawl ffordd. Mae awgrymiadau defnyddiol ar gyfer partneriaid geni i'w gweld ar wefan GIG 111 Cymru.

Iechyd Meddwl a Lles

Mae'n naturiol y bydd y rhan fwyaf o rieni newydd yn teimlo rhyw fath o orbryder a theimladau cymysg yn ystod yr wythnosau cyntaf wrth i chi addasu i'ch rolau newydd. Fodd bynnag, os bydd hyn yn straen cyson, ac yn effeithio ar eich bywyd bob dydd, mae’n bosibl y bydd eich partner, eich ffrind neu eich aelod teulu angen cefnogaeth a chymorth ychwanegol.

Fel tad, partner neu aelod o’r teulu, mae’n debygol y bydd y beichiogwyd yn effeithio arnoch chi hefyd. P’un a oedd y beichiogrwydd wedi’i gynllunio ers amser, neu’n annisgwyl, mae’n naturiol i chithau deimlo emosiynau amrywiol.  

Ni ddylech fyth anwybyddu eich teimladau eich hun, mae gofyn am gymorth yn rhywbeth i’w groesawu. Mae ein canolfan iechyd meddwl a lles yn cynnwys gwybodaeth ac adnoddau defnyddiol i’ch helpu i gyrraedd y math o gefnogaeth bosibl sydd ei hangen arnoch.

Gwybodaeth ac adnoddau defnyddiol

• Gwasanaethau mamolaeth – Gwybodaeth am ein gwasanaethau mamolaeth ledled Gogledd Cymru, gan gynnwys gofal cynenedigol, ble i roi genedigaeth a rhagor.  
• Cyncenhedlu, Beichiogrwydd, Blynyddoedd Cynnar a Theulu - Gwybodaeth a chyngor am feichiogrwydd i’r blynyddoedd cynnar a thu hwnt i deuluoedd.
• Sut gall y teulu gefnogi lles mam newydd - Cyngor defnyddiol i gefnogi mam newydd.
• Cefnogi eich teulu gyda bwydo ar y fron – Gwybodaeth ynglŷn â bwydo ar y fron, a fydd yn rhoi hyder i chi wrth gefnogi mam newydd yn ei phenderfyniad i fwydo ar y fron.  
• Canolfan iechyd meddwl mamau - Gwybodaeth ac adnoddau defnyddiol i'r rhai sy'n profi anawsterau iechyd meddwl yn ystod beichiogrwydd i gyrraedd y cymorth cywir.
• Tadau a phartneriaid | GIG 111 Cymru - Gwybodaeth ddefnyddiol i dadau a phartneriaid wrth gefnogi gyda beichiogrwydd a’r enedigaeth.
• Cefnogi eich Partner yn ystod Beichiogrwydd | Tommy's - Gwybodaeth am yr hyn sy'n digwydd fesul cam yn ystod beichiogrwydd eich partner a sut y gallwch ei chefnogi.
• Siarad gyda fi | LLYW.CYMRU - Gwefan Llywodraeth Cymru yn cynnwys adnoddau defnyddiol i helpu gyda datblygiad ymennydd eich plentyn.