Y Diweddaraf ar Frechlynnau

04 May 2021

Gan Gill Harris, Cyfarwyddwr Gweithredol Nyrsio a Bydwreigiaeth

Mae dros 400,000 o bobl yng Ngogledd Cymru yn awr wedi cael o leiaf un dos o'r brechlyn COVID-19 ac rydym yn parhau i wneud cynnydd da wrth i ni edrych ymlaen at gynnig y brechlyn i'r holl oedolion cymwys cyn ddiwedd mis Gorffennaf.

Cynnydd o ran brechu o 3 Mai 2021:

Mae cyfanswm o 600,068 o frechiadau wedi'u rhoi yng Ngogledd Cymru
Brechlynnau dos cyntaf – 409,956
Brechlynnau ail ddos – 190,112

Canran y bobl mewn Grwpiau Blaenoriaeth sydd wedi derbyn dos cyntaf:

Pobl rhwng 65 a 69 oed: 93 y cant
Pobl rhwng 16 a 64 oed mewn grŵp sydd mewn perygl: 85 y cant
Pobl rhwng 60 a 64 oed: 88 y cant
Pobl rhwng 55 a 59 oed: 86 y cant
Pobl rhwng 50 a 54 oed: 84 y cant
Pobl rhwng 40 a 49 oed: 43 y cant
Pobl rhwng 30 a 39 oed: 15 y cant
Pobl rhwng 18 a 29 oed: 29 y cant

Mae dadansoddiad manwl o Raglen Frechu COVID-19 yng Ngogledd Cymru ar gael ar ein gwefan: Ystadegau Brechu - Bwrdd Iechyd Prifysgol Betsi Cadwaladr (gig.cymru)

Pwy rydym yn eu brechu ar hyn o bryd a sut fyddwn yn cysylltu â nhw

Yr wythnos hon, rydym yn parhau i gynnig brechiadau i'r grwpiau canlynol, a chaiff gwahoddiadau eu hanfon trwy lythyr, neges destun a galwad ffôn:

Pobl mewn Grwpiau Blaenoriaeth 1-9 nad oeddent yn gallu derbyn eu brechiad pan gafodd ei gynnig am y tro cyntaf. Mae hyn yn cynnwys pobl dros 50 oed; pobl rhwng 16 a 64 oed sydd â chyflyrau iechyd isorweddol penodol; gofalwyr di-dâl; a rheiny sy'n byw gyda phobl sy'n byw â chyflyrau sy'n effeithio ar eu himiwnedd
Pobl rhwng 18 a 49 oed (Grŵp Blaenoriaeth 10)

Cofiwch fod y brechlyn COVID-19 ond ar gael drwy'r GIG ac mae'n rhad ac am ddim. Ni fyddwn BYTH yn gofyn i chi am gopïau o'ch dogfennau personol neu eich manylion banc i drefnu apwyntiad.

Os byddwch yn cael e-bost, neges destun neu alwad ffôn yn honni ei fod o'r GIG ac yn gofyn i chi roi manylion ariannol, scam yw hwn.

Apwyntiadau a Fethir

Rydym yn gweld problem gynyddol gyda phobl yn methu apwyntiadau a oedd wedi'u trefnu iddynt.

Nid ydym byth yn taflyd brechlynnau, ond mae bob apwyntiad a fethir yn gwastraffu adnoddau hanfodol y GIG ac yn creu heriau logistaidd sylweddol i'n staff, sydd yn cael eu tynnu oddi wrth ddyletswyddau eraill i gysylltu â phobl sydd nesaf ar y rhestr aros ar fyr rybudd i lenwi slotiau apwyntiad.

Tra bod nifer fechan o'r apwyntiadau a fethir hyn o ganlyniad i ddyblygu apwyntiadau, manylion cyswllt anghywir neu lythyrau apwyntiadau yn cyrraedd yn hwyr, gwyddom yn y mwyafrif helaeth o achosion, maent oherwydd bod pobl wedi methu rhoi gwybod i ni na allent fynychu eu hapwyntiad neu nad ydynt eisiau cael eu brechu.

Rydym yn annog pobl i:

Roi gwybod i ni os na allent fynychu eu hapwyntiad fel y gallwn ei gynnig i rywun arall
Ffoniwch eich Meddygfa os oeddech i fod i gael eich brechu yno, neu ffoniwch ein Canolfan Gyswllt Brechu COVID-19 ar 03000 840004 os oeddech i fod i gael eich brechiad yn rhywle arall. Mae'r llinellau ffôn ar agor 8am tan 6pm dydd Llun i ddydd Gwener, a 9am tan 1pm dydd Sadwrn a dydd Sul.
Os ydych yn cael neges destun i'ch atgoffa am apwyntiad, bydd hwn yn cynnwys manylion am sut allwch ganslo eich apwyntiad dros neges destun.
Os bydd gennych unrhyw bryderon ynghylch derbyn brechlyn COVID-19, gofynnwn i chi fynd i'ch apwyntiad yr un fath fel y gallwn gymryd yr amser i drafod y rhain gyda chi cyn i chi benderfynu p'un i barhau gyda'r brechiad ai peidio.

Rydym hefyd yn annog cyflogwyr ar draws y rhanbarth i gydymdeimlo â cheisiadau gan eu staff am amser i ffwrdd i fynychu eu hapwyntiadau brechlyn.

Mae brechiad yn darparu'r amddiffyniad gorau rhag bod yn wael iawn gyda COVID-19 a dyma'r trywydd gorau allan o'r pandemig hwn.

Apwyntiadau ail ddos

Mae'n bwysig bod pobl yn derbyn y ddau ddos o'r brechlyn er mwyn diogelu gymaint â phosibl rhag COVID-19.

Yn unol â chyngor gan y Cyd-bwyllgor ar Imiwneiddio a Brechu (JCVI), mae bwlch o 11 wythnos ar hyn o bryd rhwng rhoi dosiau cyntaf ac ail ddosiau o'r brechlyn rhag COVID-19.

Gofynnwn i bobl fod yn amyneddgar wrth aros am eu gwahoddiad i gael ail ddos. Fodd bynnag, dylai unrhyw un sydd wedi bod yn aros mwy na 11 wythnos am eu hapwyntiad ail ddos gysylltu â'r canlynol:

Eu meddyg teulu os gwnaethant dderbyn eu dos cyntaf yn y feddygfa
Ein Canolfan Gyswllt Brechu rhag COVID-19 ar 03000 840004 os gwnaethant dderbyn eu dos cyntaf yn unrhyw le arall. Mae'r llinellau ar agor o ddydd Llun i ddydd Gwener, rhwng 8am a 6pm ac o ddydd Sadwrn i ddydd Sul, rhwng 9am a 1pm.

Gofynnwn i chi fod yn amyneddgar gan ffonio dim ond os oes 11 wythnos wedi mynd heibio ers i chi gael eich dos cyntaf ac nad ydych wedi derbyn apwyntiad am eich ail ddos eto.

Cyngor ar gyfer y rhai nad ydynt wedi cael gwahoddiad hyd yma.

Gofynnir i bobl yn y grwpiau canlynol nad ydynt wedi cael apwyntiad hyd yma i gwblhau ein ffurflen ar-lein. Yna byddwn yn anfon llythyr gwahoddiad yn y post.

Dylech gwblhau’r ffurflen os ydych:

yn unigolyn dros 16 oed sy'n byw gydag unigolion sydd â systemau imiwnedd sydd wedi'u gwanhau'n ddifrifol
rhwng 16 a 64 oed gyda rhai cyflyrau iechyd sylfaenol
yn 40 oed neu'n hŷn a heb dderbyn gwahoddiad
gofalwyr di-dâl nad ydych yn hysbys i ni

Os ydych rhwng 18-39 oed, a fyddech cystal â bod yn amyneddgar – ni ddylech fod yn aros yn rhy hir rŵan.

Canolfan Gyswllt Brechiadau COVID-19

Helpwch ni i’ch helpu chi drwy ond ffonio ein Canolfan Gyswllt Brechiadau COVID-19 am y rhesymau canlynol:

Rydych wedi cael ei gwahodd i gysylltu â ni, i ganslo neu newid apwyntiad
Rydych yn un o’r grwpiau a ddisgrifir uchod ac nid ydych wedi cael eich apwyntiad cyntaf hyd yma, ac nid ydych yn gallu cael mynediad at y rhyngrwyd i gwblhau ein ffurflen ar-lein (byddwn yn cymryd eich manylion cyswllt a bydd rhywun yn eich ffonio’n ôl i drefnu apwyntiad)
Rydych wedi cael eich dos cyntaf yn rhywle heblaw eich Meddygfa, ac rydych wedi bod yn aros mwy nag un ar ddeg wythnos am eich apwyntiad ail ddos

Rhif ffôn y Ganolfan Gyswllt Brechiadau COVID-19 yw 03000 840004 ac mae’r llinellau ffôn ar agor dydd Llun i ddydd Gwener, 8am - 6pm a dydd Sadwrn a dydd Sul 9am - 1pm.

Arweiniad JCVI

Mae’r cydbwyllgor ar Frechu ac Imiwneiddio (JCVI) yn parhau i adolygu data ar lefel y risg sy’n gysylltiedig â chynnig y brechlyn Oxford-AstraZeneca ac fe allant ddiweddaru eu cyngor yn y diwrnodau nesaf.

Yn y cyfamser, rydym wedi rhoi cyngor i’n holl glinigwyr a phartneriaid ym maes gofal cychwynnol i barhau i ddilyn arweiniad cenedlaethol ar weinyddu brechiadau COVID-19 a hynny wrth gynnal eu dyletswydd didwylledd i gleifion drwy drafod y mater gyda nhw pan maent yn dod am eu hapwyntiad.

Peilot cynllun brechu drwy ffenestr y car

Yr wythnos diwethaf, cynhaliwyd peilot cyntaf llwyddiannus y clinig brechu Oxford AstraZeneca drwy ffenestr y car, ym Mhreswylfa yn Yr Wyddgrug.

Rydym ar hyn o bryd yn archwilio sut y gellir cyflwyno clinigau drwy ffenestr y car mewn mannau eraill yng Ngogledd Cymru dros yr wythnosau nesaf.

Darparu brechiadau yn agosach at y cartref

Gan weithio gyda’n cydweithwyr clwstwr Meddygon Teulu, rydym wedi dechrau cyflwyno clinigau brechu ychwanegol er mwyn cynyddu’r hyblygrwydd a chynnig y brechlyn yn agosach at gartrefi pobl.

Pan fydd cyfle i bobl gysylltu â ni i drefnu apwyntiad yn un o’r clinigau hyn, bydd hyn yn cael ei gyfathrebu ar ein sianeli cyfryngau cymdeithasol.

Gwybodaeth bellach ar Raglen Frechu COVID-19 Gogledd Cymru

Am fwy o wybodaeth ar Raglen Frechu COVID-19 Gogledd Cymru, gan gynnwys atebion i Gwestiynau Cyffredin, edrychwch ar ein gwefan: Gwybodaeth Brechlyn COVID-19 - Bwrdd Iechyd Prifysgol Betsi Cadwaladr (gig.cymru)

Gallwch hefyd weld gwybodaeth ddiogel ar ddiogelwch a chymhwystra brechlyn ar wefan Iechyd Cyhoeddus Cymru yma: Ynglŷn â'r brechlyn - Iechyd Cyhoeddus Cymru (gig.cymru)