Y diweddaraf ar frechlynnau
Diweddariadau ar ein cynlluniau brechu a chynnydd ar y brechiadau yng Ngogledd Cymru
Mehefin 15, 2026
Mae pobl 75 oed a hŷn yn cael eu hannog i leihau eu risg o ddal salwch difrifol a chael eu derbyn i'r ysbyty trwy alw heibio i gael eu brechu rhag COVID-19 ac RSV ym mis Mehefin
Gall pob claf cymwys sy’n nad yw wedi derbyn y naill frechlyn na'r llall ymweld ag un o'n canolfannau brechu cymunedol i wella eu hamddiffyniad rhag y feirysau heb apwyntiad o ddydd Llun 15 Mehefin ymlaen. Cynhelir clinigau galw heibio mewn 29 lleoliad ledled Gogledd Cymru tan ddydd Mawrth 30 Mehefin.
Mae manylion y lleoliadau sy'n cynnig sesiynau galw heibio ar gyfer brechlynnau COVID-19 ac RSV, a dyddiadau ac amseroedd y clinigau, ar gael yma.
Dylai pob claf cymwys fod wedi derbyn llythyr apwyntiad erbyn hyn. Rydym yn annog unrhyw un a fethodd ei apwyntiad, sydd wedi colli eu llythyr neu heb dderbyn llythyr apwyntiad drwy'r post i ddod ymlaen cyn diwedd y mis. Mae hyn yn cynnwys pawb yng Ngogledd Cymru a fydd yn dathlu eu pen-blwydd yn 75 oed ar neu cyn 30 Mehefin
Gall oedolion iau sydd â system imiwnedd wannach o ganlyniad i gyflwr iechyd neu driniaeth feddygol hefyd alw heibio i gael eu brechu rhag COVID-19. Mae rhagor o wybodaeth am gyflyrau iechyd a thriniaethau cymwys ar gael yma.
Mwy o wybodaeth am y brechlynnau
Mae pawb sy’n 75 neu hŷn bellach yn gymwys i gael y brechlyn RSV, a all leihau eu risg o gael eu derbyn i'r ysbyty gyda feirws syncytiol anadlol hyd at 75%. Brechlyn untro yw hwn, ac nid oes angen ei ailadrodd bob blwyddyn. Mae rhagor o wybodaeth ar gael yma.
Mae imiwnedd rhag COVID-19 yn lleihau dros amser, ac mae ymchwil yn dangos bod cael brechlyn y Gwanwyn yn ffordd bwysig i’r bobl sydd fwyaf agored i niwed yn ein cymunedau roi hwb i’w hamddiffyniad rhag y feirws. Mae rhagor o wybodaeth am y brechlyn COVID-19 ar gael yma.
Os oes gennych apwyntiad cyn diwedd mis Mehefin
Rydym yn annog pobl sydd wedi derbyn gwahoddiad drwy’r post i fynd i’w hapwyntiad ar y dyddiad a’r amser sydd wedi’u nodi yn eu llythyr pan fo hynny’n bosibl.
Gwiriwch eich llythyr yn ofalus. Mae'n bosibl bod lleoliad eich apwyntiad yn wahanol i leoliad eich apwyntiadau blaenorol. Os na allwch fynd i’ch apwyntiad, aildrefnwch drwy ffonio ein canolfan gyswllt ar 03000 840004 neu anfonwch e-bost at BCU.SROCovid19VaccinationProgramme@wales.nhs.uk.
Ynglŷn RSV a COVID-19
Mae RSV yn firws cyffredin a all arwain at broblemau iechyd difrifol – fel bronciolitis a niwmonia – ymhlith pobl hŷn a babanod. Mae'n arwain at rhwng 700 a 1,000 o dderbyniadau i'r ysbyty ymhlith pobl dros 75 mlwydd oed yng Nghymru bob blwyddyn. Mae hyd at 9,000 o apwyntiadau meddyg teulu yn ymwneud ag RSV bob blwyddyn.
Cyflwynwyd y brechlyn RSV i bobl rhwng 75 ac 80 mlwydd oed ym mis Medi 2024, ond mae wedi'i ymestyn i bobl hŷn heb derfyn oedran uchaf o fis Ebrill 2026 ymlaen.
Cynigir y brechlyn rhag RSV hefyd i bob dynes feichiog i helpu i amddiffyn babanod newydd-anedig rhag y firws.
Mae COVID-19 yn parhau i gylchredeg yng Nghymru, ac mae’n fwy tebygol o achosi salwch difrifol i bobl hŷn a phobl sydd â system imiwnedd wannach.
Rydym yn annog pawb sy'n gymwys i gael y brechlynnau i fanteisio ar y cynnig i hybu eu hamddiffyniad rhag RSV a COVID-19.
Diweddariad ar y brechlyn MenB
Mae timau brechu’r Bwrdd Iechyd yn gweithio ar gynlluniau i gynnig y brechlyn MenB i bobl ifanc cymwys yng Ngogledd Cymru o Gorffennaf 20 ymlaen.
Darllenwch y diweddariad ar y brechlyn Llid yr Ymennydd B (MenB) yma
Mae diweddariadau blaenorol
Mae diweddariadau blaenorol wedi'u harchifo