Bydd y rhai sy'n wynebu'r risg uchaf o salwch difrifol yn cael cynnig brechlyn rhag COVID-19 yr hydref hyn
Mae COVID-19 yn parhau i gylchredeg yng Nghymru, ac mae’n fwy tebygol o achosi salwch difrifol i bobl hŷn a phobl â chyflyrau iechyd sylfaenol.
Os ydych chi neu'ch anwyliaid yn gymwys i gael brechlyn rhag COVID-19, gwnewch yn siŵr eich bod wedi ychwanegu at eich amddiffyniad. Mae brechlynnau COVID-19 yn gyflym ac yn ddiogel iawn, ac yn lleihau eich risg o salwch difrifol a chael eich derbyn i’r ysbyty.
Yr hydref hwn, bydd y brechlyn yn cael ei gynnig i:
Mae hyn yn cynnwys pawb yng Ngogledd Cymru a fydd yn dathlu eu pen-blwydd yn 75 mlwydd oed ar 31 Ionawr 2027 neu cyn hynny. Mae mwy o wybodaeth am gleifion sy'n gymwys oherwydd imiwnedd gwannach ar gael yma.
Mae arweiniad pellach am gymhwystra ar gael gan Lywodraeth Cymru.
Bydd eu meddygfa neu’r Bwrdd Iechyd yn cysylltu ag oedolion sy'n gymwys ar gyfer brechlyn ffliw'r GIG er mwyn cynnig apwyntiad i dderbyn y brechlyn, neu gallant fynychu clinig brechu yn eu meddygfa. Bydd y rhan fwyaf o oedolion yn cael cynnig apwyntiad i gael eu brechlyn COVID-19 yn eu meddygfa ar yr un pryd â'u brechlyn ffliw blynyddol gan y GIG.
Efallai y bydd cleifion sydd wedi cofrestru yn y nifer fach o bractisau meddygon teulu nad ydynt yn gallu cynnig y brechlyn rhag COVID-19 yn cael cynnig apwyntiad yn un o'n ganolfannau brechu'r gymunedol neu mewn fferyllfa gymunedol leol.
Bydd ein timau’n trefnu i frechu pobl sy’n byw mewn cartrefi gofal i oedolion hŷn gyda rheolwyr y cartrefi gofal. Byddwn hefyd yn cysylltu â phobl sy'n gaeth i'r tŷ i drefnu brechiad.
Cynigir brechlyn COVID-19 yr Hydref fel arfer oddeutu chwe mis (a lleiafswm o dri mis) ar ôl dyddiad brechlyn COVID-19 blaenorol y claf.
Bydd ymgyrch frechu COVID-19 yr Hydref yn dod i ben ar 31 Ionawr 2027.
Gallwch gael rhagor o wybodaeth am frechlyn rhag COVID-19 yr Hydref, eich brechlynnau rhag y ffliw y GIG a RSV, a’r newyddion diweddaraf am ein hymgyrch frechu drwy’r dolenni isod.
Ar gyfer ymholiadau am frechu ffliw neu ss nad ydych wedi cael gwahoddiad i apwyntiad brechu, cysylltwch y Ganolfan Gyswllt Brechu COVID-19 ar 03000 840004 neu e-bostiwch BCU.SROCovid19VaccinationProgramme@wales.nhs.uk.
Os bydd angen i chi aildrefnu eich apwyntiad, dilynwch y cyfarwyddiadau ar eich gwahoddiad.
Mae'r ganolfan gyswllt ar agor 9.30am to 5.30pm o ddydd Llun i ddydd Gwener. Mae ar gau ar benwythnosau ac ar wyliau banc.
Rhagor o wybodaeth am ffonio ein Canolfan Gyswllt Brechu.
Mae Tocyn COVID y GIG bellach wedi cau. Gweler mwy o wybodaeth yma.