Prosiect 100 o Straeon
Helpwch ni i ddysgu mwy am y newidiadau sy’n digwydd pan mae pobl ifanc yn newid i wasanaethau oedolion.
Gelwir hyn hefyd yn Drawsnewid.
Rydych chi’n cael eich gwahodd i gymryd rhan yn y Prosiect 100 o Straeon.
Cyn eich bod yn cytuno i hyn, mae’n bwysig eich bod yn deall pwrpas a natur y Prosiect yn ogystal â’r hyn y byddwch chi’n cymryd rhan ynddo, os fyddwch chi’n cytuno.
Darllenwch y daflen hon yn ofalus, ac mae croeso i chi ofyn am ragor o wybodaeth neu drafod unrhyw beth nad ydych chi’n ei ddeall. Mae manylion cyswllt ar gael ar ddiwedd y daflen hon.
Pwrpas y Prosiect
Fel Bwrdd Iechyd, rydym ni eisiau sicrhau ein bod yn datblygu’r cymorth cywir ar gyfer pobl ifanc a’u teuluoedd.
Er mwyn gwneud hyn, rydym ni eisiau dysgu a deall yr hyn y mae pobl yn ei feddwl er mwyn creu syniadau ar sut i newid ein gwasanaethau. Mae’r bobl hyn yn cynnwys:
- Pobl ifanc
- Rhieni
- Gofalwyr
- Gwarcheidwaid
- Staff sy’n gweithio gyda phobl ifanc
er mwyn creu syniadau ar sut I newid ein gwasanaethau.
Ym mis Chwefror 2022, canfu adroddiad gan Lywodraeth Cymru fod cefnogi pobl ifanc i symud o wasanaethau plant i wasanaethau oedolion yn bwysig er mwyn gwella.
Canfu adroddiad arall fod pobl ifanc yn teimlo bod anawsterau yn bodoli wrth gael eu cyfeirio at wasanaethau oedolion a bod diffyg cymorth ar eu cyfer wrth iddynt aros gan wneud iddynt deimlo fel bod ganddynt ychydig neu dim rheolaeth dros y broses.
Bydd y Prosiect 100 o Straeon yn cefnogi unrhyw un sy’n dymuno cymryd rhan i ddatblygu eu stori eu hunain.
Bydd y prosiect yn cynnwys hyfforddiant er mwyn addysgu llawer o sgiliau newydd i chi.
Rydym ni’n galw hyn yn “Naratif Cyhoeddus neu Stori Gyhoeddus”
Mae Stori Gyhoeddus yn ddull o greu stori drwy gofnodi’r wybodaeth a roddir mewn modd sydd mwyaf cyfforddus i chi. Gall hyn fod drwy
- Ffilm
- Recordiad Sain
- Ffurfiau ysgrifenedig
- Barddoniaeth
- Blogio
- neu ddulliau artistig eraill.
Yna, bydd y straeon a wneir drwy’r prosiect yn ymddwyn fel offeryn i’r rhai sy’n cymryd rhan i barhau i weithio gyda’i gilydd.
Bydd y straeon hefyd yn offeryn i ddeall beth yw’r heriau ar hyn o bryd a sut i adeiladu ar yr elfennau cadarnhaol er mwyn newid gwasanaethau yn y dyfodol.
Bydd recordio’r syniadau sy’n deillio o’r sesiynau hyn yn caniatáu i ni weithio gyda’n gilydd i greu cynllun, a fyddwn ni’n eu rhannu â’r gwasanaethau.
Bydd unrhyw un sy’n cymryd rhan yn cael y cyfle i barhau i weithio ar unrhyw brosiectau eraill sy’n deillio o’r gwaith hwn gyda’r bwrdd iechyd a phartneriaid.