Brechlynnau i blant ysgol
Mae brechiadau i blant ysgol yn atal rhai canserau, polio, llid yr ymennydd a salwch arall
Mae'n bwysig bod pobl ifanc yn derbyn y brechiadau HPV, MenACWY a 3-mewn-1 i helpu eu hamddiffyn rhag clefydau difrifol. Fel arfer, bydd y brechiadau’n cael eu cynnig mewn clinigau a gynhelir yn yr ysgol ym Mlynyddoedd 8 a 9. Os ydych chi'n meddwl bod eich plentyn wedi methu brechlyn, cysylltwch eich thîm imiwneiddio ysgolion lleol wirio eu cofnodion a threfnu i ddal i fyny.
Cadwch lygad am wybodaeth gan eich ysgol, gan gynnwys ffurflenni caniatâd, ac anogwch eich plant i fynd i un o'n clinigau i gael eu brechiadau. Bydd tîm imiwneiddio ysgolion yn cysylltu â rhieni plant sy'n cael eu haddysgu gartref i wneud y trefniadau perthnasol.
Brechlynnau i fyfyrwyr Blwyddyn 8
Mae pob myfyriwr ym Mlwyddyn 8 yn cael cynnig brechlyn HPV.
Brechlynnau i fyfyrwyr Blwyddyn 9
Mae pob myfyriwr ym Mlwyddyn 9 yn cael cynnig brechlyn MenACWY a brechlyn atgyfnerthu 3-mewn-1 i bobl ifanc yn eu harddegau.
Amddiffyn rhag y frech goch, clwy’r pennau a rwbela
Dylai pob bobl ifanc hefyd sicrhau y cânt eu hamddiffyn yn llawn rhag y frech goch, clwy’r pennau a rwbela. Mae angen dau ddos o’r brechlyn MMR i sicrhau y cewch chi’r amddiffyniad gorau rhag y clefydau hyn. Bydd y rhan fwyaf o bobl yn cael y ddau frechiad cyn dechrau’r ysgol, ond efallai y gwnaiff eich nyrs ysgol neu aelod o’n tîm imiwneiddio ysgolion eich gwahodd i gael y brechlyn hwn os yw ein cofnodion yn dynodi nad ydych chi wedi cael y ddau ddos.
Brechlynnau ffliw i plant ysgol
Bob hydref, bydd pob plentyn o'r Dosbarth Derbyn i Flwyddyn 11 mewn ysgolion cynradd ac uwchradd yn cael cynnig brechlyn ffliw chwistrell trwyn di-boen. Mae’r brechlyn hwn yn helpu i amddiffyn plant rhag y ffliw a'r heintiau cyffredin sy’n gysylltiedig â’r ffliw. Mae hefyd yn amddiffyn aelodau eraill o’r teulu a’r gymuned ehangach sy’n agored i niwed. Efallai y bydd plant oedran ysgol sydd â system imiwnedd wannach yn cael cynnig brechlynnau rhag COVID-19 hefyd.
Cysylltwch ȃ thîm imiwneiddio ysgolion lleol
Os oes gennych unrhyw gwestiynau neu os hoffech drafod ein rhaglen frechu ysgol, cysylltwch â’r tîm imiwneiddio ysgolion lleol. Os ydych chi'n meddwl bod eich plentyn wedi methu brechlyn, cysylltwch â thîm imiwneiddio lleol i wirio eu cofnodion a threfnu i ddal i fyny.
Wrecsam a Sir y Fflint
Sir Ddinbych a Chonwy
Gwynedd ac Ynys Môn
Ynys Môn
- ☎️ 03000 843 062 neu 📧 BCU.SNImmsMon@wales.nhs.uk
Arfon
Dwyfor
Meirionnydd