Eistedd

Mae osgo eistedd da yn bwysig i ganiatáu i blant ymwneud â gweithgareddau wrth y bwrdd. Mae plant sydd ag anawsterau symud yn ei chael hi'n anodd eistedd yn eu hunfan a chynnal osgo eistedd da. Mae'n hanfodol darparu sylfaen sefydlog i'r plant fel bod ganddynt gefnogaeth i gynnal sefydlogrwydd wrth gwblhau tasgau fel ysgrifennu. Os yw plant yn gweithio'n galed i gynnal eu hosgo, nid ydynt yn gallu cymryd rhan yn y dasg wrth law. Efallai y byddant yn symud yn aml ac yn tarfu ar y dosbarth, ac efallai byddant yn colli'r cyfarwyddiadau.

Pethau i fod yn wyliadwrus ohonynt:

Plant sy'n hongian oddi ar ochr eu cadair neu'n eistedd ar eu traed
Y sawl sydd yn eu crwman dros eu desgiau gyda'u pennau’n agos at y bwrdd
Y sawl sy'n cael trafferth aros ar eu heistedd

Beth a ddylem anelu amdano:

Y plentyn wedi ei osod gyda'i gliniau, pengliniau a'i draed ar ongl 90 gradd
Y bwrdd ar uchder y penelin, mae hyn yn caniatáu iddo eistedd yn gyffyrddus wrth ochr y bwrdd, gan ei atal rhag pwyso ymlaen neu fachu ei goesau o amgylch coesau'r gadair i gynnal sefydlogrwydd

Mae'r llun hwn yn dangos yr osgo eistedd perffaith, dyma beth y dylem anelu amdano, yn enwedig yn yr ysgol a gartref amser bwyd a wrth wneud gwaith cartref.

Efallai y byddwch yn gweld ein taflen gyngor ar osgo ac eistedd ar gyfer ysgrifennu yn ddefnyddiol.

Sut y gallwch helpu yn y dosbarth:

Uchder y bwrdd a maint y gadair - rhy uchel neu'n rhy isel? Gall fod yn anodd sicrhau bod gan bob plentyn yn yr ystafell ddosbarth fynediad at fyrddau a chadeiriau o faint cywir, yn enwedig mewn maint dosbarthiadau mwy a ble mae ystod oedran eang mewn ystafell ddosbarth.

Ystyriwch osod plant o feintiau tebyg gyda'i gilydd pan fo’n bosib a chael cadeiriau a byrddau o feintiau gwahanol
Os yw plentyn yn ei grwman dros ei ddesg, ceisiwch ddefnyddio llethr ysgrifennu (neu ffeil 'lever arch') i annog osgo mwy unionsyth
Efallai y bydd plant sy'n gwingo ac yn ei chael hi'n anodd eistedd yn eu hunfan yn elwa o glustog lletem llawn aer fel y Movin'Sit
Ysgogiadau llafar a gweledol: rhowch lun o 'osgo da' ar ddesg y plentyn neu rhowch awgrymiadau llafar o 'eistedd yn dda' yn ôl yr angen
Ystyriwch godi byrddau ar flociau, neu osod gris o dan draed y plant fel sydd angen
Cynigiwch egwyl symud, neu symudiadau i gynhesu cyn eistedd am gyfnod hir
Cynigiwch gyfle i'r plentyn wella ei sgiliau sefydlogrwydd craidd yn ystod gwersi ymarfer corff ac yn ei gartref

Mae osgo eistedd gwael yn effeithio'n fawr ar allu plentyn i roi sylw i dasgau wrth y bwrdd felly efallai y byddwch yn gweld y taflenni cyngor canlynol ar weinyddu tasgau, sylw a chanolbwyntio yn yr ystafell ddosbarth ac awgrymiadau i'w hystyried wrth wneud gweithgareddau gyda phlentyn yn ddefnyddiol.