Therapi Galwedigaethol Plant

Gwasanaeth Therapi Galwedigaethol Cymunedol

Mae'r Gwasanaeth Therapi Galwedigaethol arbenigol hwn yn darparu asesiad ac ymyrraeth therapiwtig ar gyfer ystod eang o blant sydd â chyflyrau corfforol neu ddatblygiadol cymhleth sy'n effeithio'n sylweddol ar eu gallu i fod yn gwbl annibynnol a chymryd rhan lawn mewn gweithgareddau plentyndod.

Asesiad ac ymyrraeth ar gyfer: 

· Asesiad Osgo a Gosod

· Codi a Chario

· Asesiad amgylcheddol o fewn lleoliadau addysg

· Asesiad breichiau i gynnwys sblintio os yw'n briodol

· Mynd i'r toiled

·  Sgiliau echddygol mân

· Anawsterau hunanofal

· Bwydo

· Gofal Personol - brwsio dannedd, brwsio gwallt ac ati.

· Sgiliau Siswrn

· Ysgrifennu

· Offer sy'n cynorthwyo gyda'r sgiliau bob dydd uchod.

Sylwer: Mae ein gwasanaeth Cydlynu Datblygiadol  wedi ei atal dros dro. Rydym yn adolygu ein sefyllfa yn rheolaidd a byddwn yn ailddechrau gwasanaethau cyn gynted â phosibl.

Er mwyn parhau i ddarparu cymorth o ran darpariaethau cyffredinol, mae ysgolion wedi cael ein holl daflenni strategaeth darpariaeth gyffredinol. Mae'r wybodaeth hefyd ar gael ar y wefan i rieni/gwarcheidwaid.

Mae modd cyfeirio at y gwasanaethau Ffisiotherapi o hyd.

Dylai’r ffurflenni cyfeirio Therapi Galwedigaethol perthnasol gael eu llenwi’n llawn gan y cyfeiriwr sydd â gwybodaeth uniongyrchol am anawsterau’r plentyn.

Fel cyfeirydd, mae gofyn i chi gael cydsyniad y rhieni/gofalwyr i wneud cyfeiriad at ein gwasanaeth.  Byddwn yn derbyn a phrosesu'r cais hwn yn ffyddiog eich bod wedi bodloni'r gofyniad hwn. 

Gwasanaeth Therapi Galwedigaethol Plant

I fod yn gymwys ar gyfer y gwasanaeth rhaid i'r plentyn fod yn:-

·      Byw neu'n mynychu'r ysgol yn Wrecsam neu Sir y Fflint.

·      Bod mewn addysg llawn amser / dan 18 oed / darpariaeth ADY berthnasol

·      Yn cael anawsterau sylweddol gyda'u perfformiad swyddogaethol mewn meysydd galwedigaeth - hunanofal; cynhyrchiant/gweithgaredd a hamdden/chwarae.

Derbynnir cyfeiriadau gan Bediatregwyr ac aelodau eu tîm, Meddygon Teulu, Gweithwyr Proffesiynol Perthynol i Iechyd, Seicolegwyr Addysg a gwasanaethau nyrsio.

Bydd cyfeiriadau'n cael eu hystyried ar gyfer derbyniad i'r gwasanaeth ar ôl derbyn ffurflen gyfeirio wedi'i chwblhau. Gellir cael ffurflen gyfeirio trwy gysylltu â'r adran yn uniongyrchol

Rydym yn cynnig cyngor/cymorth dros y ffôn ar Foreau Llun a chymorth drwy e-bost PBC i weithwyr proffesiynol drafod cyfeiriadau. (Gweithredol ac yn arfaethedig/posibl)

Brysbennu Cyfeiriadau

Gwasanaeth Therapi Galwedigaethol Cymunedol

Unwaith y bydd wedi'i dderbyn, bydd y cyfeiriad yn cael ei frysbennu gan aelodau'r tîm Therapi Galwedigaethol a bydd penderfyniad yn cael ei wneud a ddylid derbyn y cyfeiriad ar sail y wybodaeth a ddarperir ar y ffurflen.

Os caiff ei dderbyn byddwn yn anfon holiaduron rhieni a/neu athrawon ac unrhyw ffurflenni hunanasesu perthnasol i'w llenwi. Bydd hyn yn ein galluogi i gael dealltwriaeth lawn o alluoedd y plentyn a'i anghenion o Therapi Galwedigaethol. Dylid dychwelyd y rhain o fewn 2 wythnos i'r dyddiad ar y llythyr.

Ar ôl i ni dderbyn yr holiaduron yn ôl, bydd y Therapyddion Galwedigaethol yn ail-werthuso'r holl wybodaeth a ddarparwyd. Mae yna nifer o lwybrau posib, felly bydd y Therapydd Galwedigaethol yn penderfynu ar y llwybr perthnasol ar gyfer eich plentyn a bydd asesiad cychwynnol yn cael ei gwblhau naill ai;

· Ymgynghoriad dros y ffôn

· Ymgynghoriadau Rhithwir:

· Ymgynghoriad Wyneb yn Wyneb

· Ymweliad Ysgol

· Ymgynghoriad Sgiliau Bywyd

Ar brydiau, teimlwn nad yw anawsterau’r plentyn fel y’u nodir ar y cyfeiriad yn briodol i’n gwasanaeth ac efallai y byddai gwasanaeth arall yn bodloni ei anghenion yn well. Yn yr achosion hyn, byddwn yn ysgrifennu at y cyfeiriwr ac yn anfon copi at y rhieni i wneud y cyfeiriad priodol.

Therapyddion Galwedigaethol Cymunedol

Tina Owen

Therapydd Galwedigaethol Arweiniol i Blant

Catrin Jones

Therapydd Galwedigaethol Plant

Rebecca Hughes

Therapydd Galwedigaethol Plant

Michelle Moffat

Therapydd Galwedigaethol Plant

Wendy Jones

Therapydd Galwedigaethol Plant

Zara Philips

Therapydd Galwedigaethol

Sian Prescott

Hyfforddwr Technegol Therapi Galwedigaethol

Rayna Beckett

Gweinyddwr