Neidio i'r prif gynnwy

Chwalu'r Chwedlau

Efallai y bydd rhai teuluoedd eisiau dechrau cyflwyno bwydydd solet cyn i’r babi fod yn 6 mis oed. Mae'n bwysig sicrhau bod eich babi yn dangos arwyddion ei fod yn barod. Dyma ambell arwydd y gellid eu camgymryd am arwyddion fod babi angen bwydydd solet:

  1. Deffro yn y nos pan oedden nhw wedi bod yn cysgu drwy’r nos cynt

Mae hwn yn ymddygiad arferol i fabanod ac nid yw’n arwydd bod angen iddyn nhw ddechrau bwyta bwydydd solet. Os ydyn nhw'n llwglyd, gall llaeth y fron neu laeth fformiwla ychwanegol helpu i'w tawelu er mwyn mynd nôl i gysgu.

  1. Cnoi a brathu ar bethau

Mae rhoi pethau yn eu ceg a chnoi ar bethau yn gam datblygiadol arferol i fabanod, gallai hefyd fod yn arwydd bod dannedd yn dod drwodd. Siaradwch â'ch ymwelydd iechyd os ydych chi'n pryderu.

  1. Eisiau mwy o laeth

Efallai y bydd rhai babanod yn fwy llwglyd yn ystod cyfnodau twf, yn aml mae rhoi pryd ychwanegol o laeth yn ddigon i ddiwallu eu hanghenion, yn hytrach na chyflwyno bwydydd solet.