Gwasanaethau Pontio
Prosiect 100 Stori
Mae Prosiect 100 Stori Gogledd Cymru yn ymwneud â gweithio gyda phobl ar draws gwahanol wasanaethau, i ddeall eu profiadau a'u straeon. Bydd hyn yn ein helpu i wneud newid gwirioneddol, hirdymor.
Beth yw pwrpas y prosiect hwn?
Mae'r prosiect eisiau deall yn well beth sy'n digwydd pan fydd pobl ifanc sy'n ymwneud â Gwasanaethau Anabledd Dysgu, Niwroddatblygiad neu CAMHS yn symud i wasanaethau oedolion.
Weithiau mae hyn yn cael ei alw’n ‘bontio.’
Rydym ni eisiau deall hyn trwy weithio gyda phobl sydd â phrofiad bywyd go iawn.
Pwy all gofrestru?
Unrhyw oedolyn dros 18 oed sydd â phrofiad o wasanaethau Anabledd Dysgu, Niwroddatblygiad neu CAMHS (Iechyd Meddwl Plant) ac sy’n byw yng Ngogledd Cymru.
Gallech chi fod yn glaf, yn gyn-glaf, yn rhiant neu’n ofalwr, yn frawd neu’n chwaer neu’n weithiwr proffesiynol.
Beth fyddwch chi’n ei wneud?
- Dysgu sgiliau newydd mewn arweinyddiaeth
- Rhannu eich meddyliau, eich profiadau a’ch barn ag eraill.
- Creu stori o’ch profiad chi a’i hadrodd mewn ffordd sy’n gyfforddus i chi.
- Gweithio gydag eraill i gynllunio sut y gallwn ni wella gwasanaethau i bobl ifanc ac oedolion.
Pryd fydd hyn yn digwydd?
Byddwn yn cynnal digwyddiadau ‘croeso’ ar-lein ym mis Awst 2023.
Byddwn yn dechrau gweithio yn ein grwpiau ‘wyneb yn wyneb’ o fis Medi 2023.
Bydd 6 i 9 sesiwn dros 6 mis. Bydd angen i chi fod yn rhydd i gymryd rhan ym mhob sesiwn.
Mwy o wybodaeth:
Christy.Hoskings@Wales.nhs.uk / 07813 720 568 Christy
Eirian.wynne2@wales.nhs.uk / 07581 037 079 Eirian