Holiadur y Gwasanaethau Mamolaeth a Newyddenedigol

Mae beichiogrwydd a geni plant yn ddigwyddiadau sy’n newid bywydau menywod, rhieni a theuluoedd. Mae’n gyfnod newydd a chyffrous y mae pobl yn edrych ymlaen ato’n eiddgar.

Rydym ni yn paratoi i lansio holiaduron ar Wasanaethau Mamolaeth a Newyddenedigol yn seiliedig ar Fesurau Profiadau a Adroddir gan Gleifion (PREMs) Cymru Gyfan drwy CIVICA, fel rhan o Ymrwymiadau Fframwaith Ymgysylltu Amenedigol Cymru Gyfan.

Mae 5 holiadur sy’n caniatáu i deuluoedd roi adborth am eu taith genedigaeth fel y gallwn ddysgu mwy am yr hyn sy’n mynd yn dda a lle gallwn wella.

• Yn syth ar ôl eu sgan anomaledd (cam 1).
• Ar ôl cyrraedd 37 wythnos (cam 2).
• 2 wythnos ar ôl iddynt roi genedigaeth (cam 3).
• 8 wythnos ar ôl iddynt roi genedigaeth (cam 4).
• 2 wythnos ar ôl iddynt gael eu rhyddhau o ofal y gwasanaethau newyddenedigol os yw’r babi’n cael ei dderbyn i NICU/SCBU

Bydd yr holiaduron yn cael eu hanfon yn awtomatig drwy neges destun.

Defnyddir system Civica, sydd wedi’i rhaglennu i ddosbarthu dolenni holiaduron yn awtomatig i’r holl ddefnyddwyr gwasanaethau ar adegau allweddol, trwy gydol y cyfnod beichiogrwydd, ar ôl cael eu derbyn i uned newyddenedigol, ac yn ystod cyfnod cynnar magu plentyn.