Ysbyty Maelor Wrecsam yn agor ward newydd i helpu i baratoi cleifion i fynd adref

24/11/2021

Mae Ysbyty Maelor Wrecsam wedi agor y ward gyntaf o'i math yng Ngogledd Cymru sy'n helpu i baratoi cleifion i adael yr ysbyty a mynd adref.

Mae gan y ward, o'r enw Ward Barod am Adref, le i bum claf nad oes angen sylw meddygol arnynt mwyach, ond y mae angen i therapyddion a nyrsys o'r Tîm Cartref yn Gyntaf eu gweld a'u hasesu i weld sut y byddant yn ymdopi pan fyddant gartref, a phenderfynu pa gefnogaeth bellach y gallai fod ei hangen arnynt.

Gwnaed i’r ward edrych yn llai clinigol ac yn debycach i ‘gartref’ ac anogir y cleifion i wisgo eu dillad dydd eu hunain, paratoi eu prydau eu hunain mewn cegin debyg i gegin gartref ac i fwyta gyda’i gilydd.

Bydd therapyddion yn gweithio gyda chleifion i sicrhau eu bod yn sicrhau'r annibyniaeth orau yn ystod eu harhosiad.

Dywedodd Sarah Edwards, Rheolwr Llif Clinigol o'r Biwro Cartref yn Gyntaf: “Bydd y ward yn helpu i efelychu bod gartref i'n cleifion a fydd yn eu helpu i adeiladu eu hannibyniaeth, eu hyder a rhoi hwb i'w lles meddyliol cyn mynd adref. Mae hefyd yn rhoi cyfle i ni eu hasesu mewn amgylchedd cartref, i weld a ydynt yn barod i fynd adref a pha lefel o gefnogaeth y bydd ei hangen arnynt.

“Mae ymatebion y cleifion cyntaf yn yr uned wedi bod yn hynod gadarnhaol ac maent yn teimlo ei fod yn gam adeiladol i'w cael adref o'r ysbyty yn ddiogel. Mae'r Uned Adsefydlu wedi bod yn gefnogaeth fawr i'r ward newydd hefyd, ac wedi helpu i droi'r syniad hwn yn ward lwyddiannus.”

Sefydlwyd Biwro Cartref yn Gyntaf ym mis Mehefin 2020 gan weithio yn yr ysbyty a'r gymuned yn Sir y Fflint a Wrecsam, i helpu i gynorthwyo gyda llif cleifion trwy'r ysbyty a pharatoi pobl i fynd adref.

Valmai Jones, 80, o Wrecsam, oedd y claf cyntaf ar y ward newydd, ar ôl treulio dau fis ar Ward Pantomeim yn dilyn strôc fach, a effeithiodd ar symudiad ei choes a'i braich chwith.

Dywedodd: “Gwnaeth yr holl staff ar Ward Pantomeim argraff fawr arnaf, roeddent yn wych. Pan gefais wybod fy mod yn mynd i’r Ward Barod am Adref newydd, roeddwn yn falch, oherwydd roeddwn yn meddwl ei fod yn garreg gamu dda, yn ddelfrydol ar gyfer pobl sydd bron yn barod i fynd yn ôl adref, mae’n syniad gwych.

“Ar ôl bod i mewn ac allan o Ysbyty Maelor Wrecsam dros gyfnod o dri mis, gallaf ddweud bod y staff yno yn wych, yn rhedeg o gwmpas yn gofalu am bawb. Does gen i ddim byd ond diolchgarwch i'r holl nyrsys, maent yn werth y byd. Gallaf ddiolch i Ysbyty Maelor am achub fy mywyd fwy nag unwaith.

“Mae'r therapyddion a'r nyrsys iechyd galwedigaethol bellach yn ymweld â mi gartref i helpu gyda symud, ac mae gofalwyr yn fy helpu gyda fy mhrydau bwyd . Rwy'n rhedeg grŵp recordyddion, ac rwy'n chwarae recordydd bas sy'n mynd o amgylch fy ngwddf, nid wyf wedi rhoi cynnig arno eto ond gobeithio y gallaf ddechrau eto yn fuan.”