Gall cleifion dderbyn trawsblaniad aren gan rywun ar y rhestr aros genedlaethol neu gan rywun y maent yn eu hadnabod.
Gwyddom fod llawer o bobl yn byw bywydau normal ag un aren yn unig. Ystyrir mai trawsblaniad gan aelod o’r teulu neu ffrind yw’r math gorau posibl o drawsblaniad – gelwir hyn yn drawsblaniad aren byw.
Disgwylir i’r arennau bara’n hirach a gweithio’n fwy effeithlon. Mae’r llawdriniaeth hefyd yn cael ei chynllunio ymlaen llaw, felly byddwch yn cael rhybudd ynghylch pryd y bydd yn cael ei chynnal.
Os oes gennych ddiddordeb mewn rhoi aren i rywun yr ydych yn ei adnabod, mae angen i'ch grŵp gwaed a'ch math o feinwe fod yn gydnaws â'u rhai nhw.
Bydd angen i chi gwblhau asesiad iechyd manwl i gael eich ystyried fel rhoddwr.
Cysylltwch â’r nyrs rhoddwyr byw am fwy o wybodaeth:
E-bost: BCU.LivingKidneyDonorTeam@wales.nhs.uk
Ffon: 07974418832
Os nad ydych yn gydnaws â rhywun yr hoffech roi eich aren iddynt, efallai y byddwch eisiau ystyried rhoi i'r cynllun rhannu arennau. Dyma le byddech yn cael eich paru â rhywun arall sy'n derbyn rhoddwyr ac yn yr un sefyllfa – byddai eich aren yn mynd i rywun arall yn gyfnewid am i aelod o'ch teulu / ffrind dderbyn aren gan rywun arall.
Gellir dod o hyd i fwy o wybodaeth am roi eich aren ar wefan NHS Organ Donation.
Mae unigolyn sy'n rhoi un o'i arennau i rywun nad yw’n ei adnabod yn cael ei alw'n rhoddwr aren allgarol heb ei gyfeirio. Dewch o hyd i fwy o wybodaeth ar wefan NHS Organ Donation.
Daw'r straeon canlynol gan bobl sydd wedi derbyn trawsblaniad arennau gan roddwyr byw, gan gynnwys sut y daethant o hyd i roddwr byw, beth y gwnaethant ei brofi yn ystod eu taith trawsblannu, a sut mae eu trawsblaniad wedi newid eu bywydau.