Therapi Galwedigaethol Niwroddatblygiadol

Mae’r tîm Therapi Galwedigaethol Niwroddatblygiadol (NDOT) yn cynnig asesiadau ac ymyriadau ar gyfer:   

• Gwahaniaethau synhwyraidd sy’n effeithio ar gyfranogiad   

• Anghenion osgo  

• Materion amgylcheddol o fewn addysg   

• Sgiliau Echddygol Manwl 

• Bwydo 

• Hylendid wrth ddefnyddio’r Toiled  

• Hunanofal – brwsio dannedd, brwsio gwallt, anawsterau gwisgo ac ati   

• Sgiliau Siswrn   

• Llawysgrifen   

• Sblintio aelodau uchaf y corff   

• Offer sy’n cynorthwyo o ran y sgiliau o ddydd i ddydd uchod.   

Dylai’r ffurflen gyfeirio Therapi Galwedigaethol Niwroddatblygiadol gael ei llenwi yn llawn gan y cyfeiriwr sydd â gwybodaeth uniongyrchol am anawsterau’r plentyn. Derbynnir cyfeiriadau gan rieni, gofalwyr, ysgolion a gweithwyr proffesiynol.  

Os nad chi yw’r rhiant sy’n cyfeirio, mae rhwymedigaeth arnom i gael caniatâd y rhieni/gwarcheidwaid i wneud y cyfeiriad hwn at ein gwasanaeth.  

Er mwyn bod yn gymwys ar gyfer y gwasanaeth, rhaid i’r plentyn: -  

• Fyw neu fynychu ysgol yn Sir Wrecsam neu Sir y Fflint.  

• Bod yn 5-18 mlwydd oed/ darpariaeth ADY berthnasol 

• Bod yn profi anawsterau sylweddol gyda’u perfformiad swyddogaethol mewn meysydd galwedigaeth – hunanofal; cynhyrchiant/gweithgarwch a hamdden/chwarae  

• Cael diagnosis o Anhwylder ar y Sbectrwm Awtistig (ASD) a/neu Anhwylder Diffyg Canolbwyntio a Gorfywiogrwydd (ADHD)/ Anhwylder Diffyg Canolbwyntio (ADD), neu’n aros am asesiad  

Gellir cael ffurflen gyfeirio trwy gysylltu’n uniongyrchol â’r adran neu drwy ofyn i’r ysgol a oes ganddynt hwy neu’r nyrs ysgol gopi.   

Unwaith y caiff ei dderbyn, bydd y cyfeiriad yn cael ei frysbennu a gwneir penderfyniad a ddylid derbyn y cyfeiriad ar sail yr wybodaeth a ddarparwyd ar y ffurflen. Ar adegau teimlwn nad yw anawsterau’r plentyn fel y’i cyflwynir ar y cyfeiriad yn briodol ar gyfer ein gwasanaeth ac efallai y gallai gwasanaeth arall gwrdd â’u hanghenion yn well. Yn yr achosion hyn,  byddwn yn ysgrifennu at y cyfeiriwr a’r rhieni er mwyn gwneud y cyfeiriad priodol.  

Os derbynnir y cyfeiriad ar adeg brysbennu, bydd y therapydd galwedigaethol yn adolygu’r wybodaeth a ddarparwyd. Mae’r tîm Therapi Galwedigaethol Niwroddatblygiadol yn gweithio yn unol â’r Ddeddf Anghenion Dysgu Ychwanegol yng Nghymru (2018) sy’n golygu ein bod yn rhoi darpariaeth gyffredinol yn y lle cyntaf ar ffurf taflenni strategaeth a dolenni ar gyfer adnoddau i’w treialu a gweithio arnynt gartref ac yn yr ysgol.   

Byddwn yn anfon taflen ddyddiadur gyda’r adnoddau hyn ac yn gobeithio y gallwch eu llenwi gyda’r strategaethau yr ydych wedi’u rhoi ar brawf a rhestru’r elfennau sydd wedi teimlo’n llwyddiannus a’r rhai nad ydynt wedi bod yr un mor llwyddiannus.    

Yn dilyn derbyn y daflen ddyddiadur, fe benderfynir pa ffurf o fewnbwn sydd fwyaf priodol ar eich cyfer chi a’ch plentyn. Gall hyn fod yn;   

• Ymgynghoriad dros y ffôn  

• Ymgynghoriad Rhithiol  

• Ymgynghoriad wyneb yn wyneb  

• Ymweliad Ysgol 

Therapydd Galwedigaethol Arbenigol Niwroddatblygiadol Plant 

Freya Hark

Therapydd Galwedigaethol Niwroddatblygiadol Plant 

Brogan Roberts

Hyfforddwr Technegol Therapi Galwedigaethol Niwroddatblygiadol 

Helen Beckett