Neidio i'r prif gynnwy

Cynnydd y Bwrdd Iechyd 2024-25

4 Mawrth 2025

Cynnydd Mesurau Arbennig 

Yr adeg yma o'r flwyddyn y llynedd, fel Bwrdd Iechyd, gwnaethom amlinellu cynllun i wella perfformiad ar draws nifer o feysydd a ddaeth yn destun uwchgyfeirio ar y lefel uchaf bosibl - Mesurau Arbennig gan Lywodraeth Cymru.

Nod y cynllun hwn oedd mynd i'r afael â materion yn ymwneud â llywodraethu ac arweinyddiaeth ac yna creu sail gadarn y gallai'r Bwrdd Iechyd ganolbwyntio ei ymdrechion arni i wella ei berfformiad yn effeithiol.   

Mae llawer wedi newid a gwnaed cynnydd da dros y ddwy flynedd diwethaf yn cynnwys sefydlu Bwrdd, strwythur llywodraethu, portffolio newid, model gweithredu, diwylliant a strategaeth newydd.  

Yr her gychwynnol oedd penodi a sefydlu Bwrdd newydd, dan arweiniad Cadeirydd a Phrif Weithredwr newydd sydd wedi bod mewn swyddi parhaol ers dechrau 2024 erbyn hyn. Roedd hyn yn pennu'r ffocws a'r blaenoriaethau cychwynnol. Cafodd hyn ei ategu trwy recriwtio Aelodau Annibynnol yn llwyddiannus ac adlewyrchwyd gwelliant yng ngwerthusiad diweddaraf Archwilio Cymru o effeithiolrwydd y Bwrdd. Ers hynny, rydym wedi gweithio'n galed ar y blaenoriaethau a bennwyd gan Lywodraeth Cymru, gan wneud cynnydd o ran y meini prawf isgyfeirio cysylltiedig gyda chymorth gan Lywodraeth Cymru.  

Yn 2024/25, cafodd camau gweithredu Mesurau Arbennig eu hymgorffori i Gynllun Cyflenwi Blynyddol y Bwrdd Iechyd er mwyn meddu ar gynllun unigol ar gyfer y sefydliad sy'n cwmpasu pob un o'i flaenoriaethau. Arweiniodd yr esblygiad hwn at aeddfedu'r Bwrdd i gynnwys Bwrdd sy'n gweithredu'n dda gan arwain at greu uchelgeisiau yn y tymor hwy i greu sefydliad effeithiol.  

Yn ystod y cyfnod hwn, mae gwelliannau wedi cael eu gwneud ar draws nifer o feysydd gan gynnwys y ffordd y caiff y Bwrdd ei arwain, dulliau rheoli ariannol, prosesau llywodraethu ac ansawdd gofal.  

Er bod llawer o gynnydd wedi'i wneud o ran creu'r sylfeini angenrheidiol i'r sefydliad fod yn llwyddiannus yn y tymor hir, bydd yn cymryd amser i lawer o'r gwaith hwn gael ei ymgorffori ac i'w wneud yn iawn.  

Rydym yn cydnabod yn llwyr er bod creu'r sylfeini hyn yn gywir yn hollbwysig i yrru gwelliant yn ei flaen, mae pobl yn dal i aros yn rhy hir yn rhy aml i gael y gofal a'r cymorth sydd eu hangen arnynt. Mae'n hollbwysig bod gan ein cymunedau fynediad at wasanaeth a chymorth o'r ansawdd maent yn eu disgwyl ac yn eu haeddu a dyma ble yr ydym yn canolbwyntio.  

Ynghyd â llawer o Fyrddau Iechyd eraill, rydym yn cydnabod yr heriau sydd ynghlwm wrth greu sefydliad cynaliadwy yn y tymor hwy gan hefyd fynd i'r afael â rhai o'r problemau perfformiad yn y tymor byrrach. Er y bydd hyn bob amser yn anodd ei reoli, mae llawer o'r sylfeini sefydliadol bellach yn eu lle i gynorthwyo mynd i'r afael â'r ddau fater ar yr un pryd. Dyma'r unig ffordd y bydd y sefydliad yn cyflawni ei bwrpas yn llwyddiannus i wella iechyd a lles ac i gynnig gofal ardderchog i bobl Gogledd Cymru.  

Rydym bellach yn gweithio gyda'n partneriaid, yn ogystal â gwrando ar brofiadau ein cleifion a'n cymunedau a dysgu ohonynt, i ddatblygu'r cynlluniau y mae angen i ni eu datblygu ac i ddarparu gwasanaethau cynaliadwy o ansawdd uchel ar gyfer y dyfodol. 

Gan edrych ymlaen at 2025/26, mae ein ffocws ar adeiladu ar y gwaith cychwynnol a'r gwaith cyflenwi cynnar hyd yma a chyflymu o ran rhoi newid ar waith yn achos gwasanaethau'r rheng flaen, gan barhau i greu sefydliad cynaliadwy yn y tymor hir. Mae rhai darnau gwaith allweddol a fydd yn hollbwysig i gyflawni hyn, sy'n cynnwys:  

  • Ymdrech ar y cyd i wella gwasanaethau'r rheng flaen, gan ganolbwyntio ar ansawdd, canlyniadau a phrofiad.  
  • Gweithio gyda phartneriaid i ddatblygu Strategaeth Deng Mlynedd ar gyfer Gogledd Cymru nad yw'n canolbwyntio ar iechyd yn unig, ond sut y gall y system iechyd a gofal cymdeithasol cyfan weithio gyda'i gilydd i gadw'r boblogaeth yn iach.  
  • Cymryd gwersi a ddysgwyd o'r gweithredwyr cynnar gan ddefnyddio ein System Rheoli Ansawdd i gynorthwyo a thrawsnewid gwasanaethau bregus y sefydliad.  
  • Datblygu Achos Busnes y Cofnod Gofal Iechyd Electronig i gynorthwyo trawsnewid yn y tymor hwy.  
  • Galluogi i fwy o adnoddau ganolbwyntio ar atal ac ymyrraeth gynnar, gan wneud defnydd gwell o gyfleoedd mewn gwasanaethau sylfaenol a chymunedol.  
  • Mynd i'r afael â phroblemau hirsefydlog o ran y ffordd mae'r Bwrdd Iechyd yn gweithredu, gan ganolbwyntio nid yn unig ar y strwythur, ond hefyd y bobl, system, prosesau, diwylliant a strategaeth.  

Datganiad gan Dyfed Edwards, Cadeirydd a Carol Shillabeer, Prif Weithredwr

Dywedodd Dyfed Edwards, Cadeirydd: "Rwy'n falch o weld bod adroddiad cynnydd diweddaraf Llywodraeth Cymru yn adlewyrchu'r gwaith da sydd wedi cael ei wneud dros y ddwy flynedd diwethaf i atgyfnerthu'r ffordd y mae'r Bwrdd Iechyd yn gweithredu.

"Trwy well dulliau arwain, llywodraethu a rheolaeth ariannol, rydym bellach wedi creu sylfaen gadarn i ddatblygu sefydliad cynaliadwy yn y tymor hirach, gan hefyd fynd i'r afael â rhai o'r materion perfformiad yn y tymor byrrach.

Dywedodd Carol Shillabeer, Prif Weithredwr: "Mae'n amlwg ein bod ni'n gwneud cynnydd ac rwy'n awyddus i ddiolch i bawb sydd wedi bod yn rhan o'r daith hyd yma. Ni ellir gwadu bod gennym lawer iawn mwy i'w wneud ac rydym erbyn hyn yn canolbwyntio ar wneud gwelliannau pellach ar gyfer cymunedau, cleifion a staff yng Ngogledd Cymru.

"Rydym yn ymrwymedig i ddatblygu a darparu gwasanaethau cynaliadwy o ansawdd uchel ar gyfer ein cymunedau. I wneud hyn, byddwn yn parhau i weithio'n agos gyda'n partneriaid, y cyhoedd ac i ddefnyddio arloesi ac arbenigedd ein gweithlu i'r eithaf."

Hysbysiad Llywodraeth Cymru