Dr Sree Andole

Mae gan Dr Andole, sy’n cael ei alw’n Sree, gyfoeth o brofiad. Mae’n feddyg ymgynghorol strôc â sawl blwyddyn o arbenigedd mewn ymarfer clinigol ac arweinyddiaeth. Mae wedi bod mewn nifer o uwch swyddi, gan gynnwys gwasanaethu fel Cyfarwyddwr Meddygol Gweithredol yn Manx Care, Ysbytai Prifysgol Derby a Burton, ac Ymddiriedolaeth GIG Ambiwlans Dwyrain Lloegr. 

Mae Dr Andole hefyd wedi cyfrannu'n sylweddol at wella gofal iechyd yn ei rolau fel Cyfarwyddwr Gwella a Chyfarwyddwr Meddygol Cynorthwyol ar gyfer GIG Lloegr a NHS Improvement.

Yn ogystal â hyn, bu Dr Andole hefyd yn Feddyg Gofal Eilaidd Anweithredol ar gyfer Grŵp Comisiynu Clinigol Southend-on-Sea, ac yn Athro Cyswllt Meddygaeth Strôc. Mae'n arbenigwr cydnabyddedig, wedi gwasanaethu fel aelod o bwyllgor NICE, ac yn Uwch Gymrawd y Gyfadran Arweinyddiaeth a Rheolaeth. Mae ei gyfraniad i ofal iechyd yn cael ei chydnabod yn eang, gydag anrhydeddau megis y Wobr Rhagoriaeth Broffesiynol (gwobr y Gymdeithas Strôc) a Gwobr Arloeswr BME HSJ. Bu hefyd yn feirniad ar gyfer y gwobrau HSJ.

Mae Dr Andole hefyd yn asesydd achos ar gyfer MBRRACE-UK (Mamau a Babanod: Lleihau Risg trwy Archwiliadau ac Ymholiadau Cyfrinachol) ledled y DU, sef rhaglen genedlaethol sy’n cynnal ymholiadau cyfrinachol i farwolaethau mamau. Ei nod yw gwella gofal i famau a babanod drwy nodi gwersi a gwneud argymhellion cenedlaethol. Ymysg uchafbwyntiau ei yrfa, mae ei waith yn arwain sefydliadau o fesurau arbennig yn llwyddiannus, rhoi strategaethau digidol ar waith, ailstrwythuro cyfarwyddiaethau meddygol, a hyrwyddo mentrau cydraddoldeb, amrywiaeth a chynhwysiant.

Mae Dr Andole yn angerddol iawn dros ddarparu gofal o ansawdd uchel i gleifion ac mae'n parhau i gymryd rhan weithredol mewn addysgu ac arolygu drwy fod yn Arolygydd i'r Comisiwn Ansawdd Gofal. Mae hefyd yn cynghori’r Ombwdsmon Seneddol a Llywodraeth Cymru.