Trosolwg o'r Rhaglen - Byw gyda Chyflwr Cronig

Deunyddiau darllen y sesiwn hon: Pennod 5
Meddyliwch am sut yr hoffech chi ddechrau rhaglen ymarfer corff neu gynyddu'r hyn rydych chi'n ei wneud rŵan.
Efallai y byddwch am gadw dyddiadur am eich teimladau.
Yn ystod Sesiwn 3, byddwn yn trafod gwneud penderfyniadau. Erbyn y sesiwn yr wythnos nesaf, meddyliwch am rywbeth yn eich bywyd y mae angen i chi wneud penderfyniad amdano.

Deunyddiau darllen y sesiwn hon: Pennod 1, 5, 7 a 10
Dewiswch un o'r dulliau o fonitro ymdrech a gwiriwch lefel eich ymdrech yn ystod gwahanol weithgareddau ac ymarferion.
Yn ystod Sesiwn 4, byddwn yn edrych ar yr hyn rydym ni'n ei fwyta am 2 ddiwrnod yr wythnos hon.
Rydym yn awgrymu dewis un diwrnod yn ystod yr wythnos ac un diwrnod ar y penwythnos oherwydd bod ein harferion bwyta yn aml yn wahanol ar benwythnosau. Byddwn yn rhannu'r hyn rydym yn ei ddysgu. Bydd y wybodaeth hon yn ddefnyddiol pan fyddwn ni'n trafod bwyta'n iach yr wythnos nesaf.

Deunyddiau darllen y sesiwn hon: Pennod 2, 4, 5, 10 ac 11
Cadwch ddyddiadur bwyd am un diwrnod yn ystod yr wythnos ac un diwrnod ar y penwythnos, unwaith eto.
Edrychwch ar eich dognau, nifer y calorïau, a'r gramau o fraster a halen rydych chi'n eu bwyta, yn enwedig brasterau dirlawn.

Deunyddiau darllen y sesiwn hon: Pennod 5, 6, 10 ac 13
Gwnewch restr sy'n cynnwys enw eich holl feddyginiaethau, y gweithiwr gofal iechyd proffesiynol a'u rhoddodd ar bresgripsiwn, y dos, dyddiad dechrau eu cymryd, y rheswm dros eu cymryd, ac unrhyw alergeddau i gyffuriau.
Rydym yn eich gwahodd i ffonio, e-bostio neu ysgrifennu llythyr at eich gweithiwr proffesiynol gofal iechyd am yr hyn rydych chi wedi'i gyflawni yn ystod y rhaglen hon.
Nid oes rhaid i chi bostio na dangos y llythyrau hyn, ond dewch â nhw gyda chi yr wythnos nesaf i'w defnyddio yn ystod y gweithgaredd rhannu. Os byddwch chi’n postio'r llythyr at eich gweithiwr proffesiynol gofal iechyd, byddai hynny'n helpu i rannu'r neges. Fe fyddem ni hefyd, yn hoffi cael eich caniatâd i rannu eich llythyr â chynrychiolwyr y sefydliad i gael cefnogaeth i ariannu'r rhaglenni hyn. Rhowch wybod i ni a ydych chi'n caniatau i ni rannu eich llythyr.