Bydd clinigau brechu rhag y ffliw ar gyfer staff byrddau iechyd yn cael eu cynnal yn y lleoliadau isod
Mae manylion llawn lleoliadau, dyddiadau ac amseroedd clinigau brechu rhag y ffliw ar gael yn y dolenni isod. Bydd brechlynnau atgyfnerthu COVID-19 ar gael yn y clinigau hyn i staff byrddau iechyd sy’n dymuno cael un. Mae’r sesiynau hyn ar gyfer apwyntiadau sydd wedi’u trefnu ymlaen llaw yn unig – mae clinigau brechu ffliw galw heibio ar gael yn ein prif safleoedd.
Sylwch fod y clinigau brechu hyn ar gyfer staff bwrdd iechyd yn unig. Efallai y gofynnir i chi ddangos ID eich staff cyn cael eich brechu.
Gall staff nad ydynt yn gallu dod i un o’r dyddiadau clinig uchod ffonio’r Ganolfan Gyswllt Brechu ar 03000 840004 i drefnu apwyntiad i dderbyn y brechiadau atgyfnerthu rhag COVID-19 a’r ffliw yn un o’n canolfannau brechu ar adeg arall.
Efallai y bydd brechwyr cymheiriaid staff lleol yn cynnig y brechiad i’w cydweithwyr neu dimau ehangach. Cadwch lygaid am wybodaeth bellach yn eich gweithle am gyfleoedd i dderbyn eich brechlyn ffliw gan frechwr cymheiriaid lleol, neu gofynnwch i’ch rheolwr llinell. Ni fydd brechwyr cymheiriaid ffliw yn gallu rhoi brechlynnau atgyfnerthu COVID-19 i staff.
Bydd staff y bwrdd iechyd hefyd yn gallu cael eu brechlyn ffliw yn un o’r nifer o fferyllfeydd cymunedol lleol sy’n cynnig y brechlyn ar draws Gogledd Cymru. Bydd angen i staff fynd â’u cerdyn adnabod GIG gyda nhw. Fel arall, efallai y bydd staff sy’n rhan o un o'r grwpiau cymwys raill yn cael eu gwahodd i dderbyn eu brechlyn ffliw yn eu meddygfa.
Os ydych yn cael eich brechlyn ffliw mewn fferyllfa gymunedol neu feddygfa, rhowch wybod i dîm iechyd galwedigaethol y bwrdd iechyd gan ddefnyddio'r ffurflen hon fel y gallwn gadw eich cofnodion brechiadau galwedigaethol yn gyfredol. Bydd y ffurflen hon yn derbyn ymatebion o 30 Medi ymlaen.