Ionawr 2024

Fferyllfa GIG newydd yn agor yn Llanberis.

Mae Fferyllfa GIG newydd wedi agor yn Llanberis, gan sicrhau bod gan bobl leol fynediad hwylus unwaith eto at feddyginiaethau a chyngor arbenigol ar garreg eu drws.

Yn dilyn cau fferyllfa'r dref yn 2023, gwnaeth y Bwrdd Iechyd weithio gyda Fferyllwyr Llŷn, y mae eu canghennau eraill yn cynnwys Nefyn, Abersoch, Llanbedrog, Blaenau Ffestiniog a Chriccieth, i sefydlu fferyllfa newydd yn y dref.

Agorodd y fferyllfa newydd yn Llanberis tua diwedd mis Tachwedd ac mae'n cynnig ystod eang o wasanaethau gan gynnwys dosbarthu presgripsiynau ac anhwylderau cyffredin.