KindEating

Ar gyfer oedolion â BMI dros 30kg/m2

• Cwblhewch y Ffurflen Hunangyfeirio Rheoli Pwysau (smartsurvey.co.uk) i wneud cais am fynediad am ddim at raglen grŵp 12 wythnos a gyflwynir gan Ddeietegydd Cofrestredig a Chynorthwyydd Deieteg gyda chymorth rheolaidd am flwyddyn.
• Gallwch hefyd gael eich cyfeirio at y rhaglen KindEating gan eich Meddyg Teulu neu weithiwr proffesiynol iechyd arall.
• Mae’r rhaglen wedi’i dylunio i roi’r offer a’r cymorth sydd eu hangen arnoch ar gyfer colli pwysau yn llwyddiannus ac yn gynaliadwy, gyda ffocws ar hyrwyddo iechyd a lles. Byddwch yn cael llawlyfr ac adnoddau defnyddiol, a byddwn yn eich cefnogi i weithio tuag at yr hyn sy’n bwysig i chi.

• Y pynciau a drafodir

• Wythnos 1: Cyflwyniad
• Wythnos 2: Bwyta’n iach
• Wythnos 3: Maint dognau
• Wythnos 4: Newid eich arferion bwyta
• Wythnos 5: Gosod nodau unigol
• Wythnos 6: Rheoli eich bwyta
• Wythnos 7: Gweithgarwch corfforol
• Wythnos 8: Cynllunio prydau
• Wythnos 9: Siopa a defnyddio labeli bwyd
• Wythnos 10: Bwyta ac yfed pan fyddwch allan
• Wythnos 11: Mae’r Meddwl yn Bwysig
• Wythnos 12: Cadw Ffocws

Rydym yn cynnig y rhaglen KindEating wyneb yn wyneb mewn amrywiaeth o leoliadau ar draws Gogledd Cymru, neu gallwch ymuno â grŵp rhithwir dros ddolen fideo. Gweler y tabl isod am fwy o fanylion.

Er mwyn ymuno â’r grŵp fideo, bydd angen cyfeiriad e-bost, cysylltiad rhyngrwyd da, a dyfais arnoch chi megis gliniadur, ffôn symudol neu ddyfais glyfar gyda meicroffon a chamera a gofod preifat yn eich cartref neu weithle lle na fydd neb yn tarfu arnoch. Yn ystod y sesiynau, byddwch yn gallu gweld a chlywed y cyfranogwyr eraill a’r hwylusydd yn y grŵp a siarad â nhw.

TRWY APWYNTIAD YN UNIG