Uned Asesu Beichiogrwydd Cynnar
Mae’r uned yn darparu gwasanaeth apwyntiadau i asesu merched beichiog sy’n cael poen a gwaedu yn ystod beichiogrwydd cynnar.
Rhaid i’r merched sy’n cael eu cyfeirio at y clinig hwn fod mewn cyflwr sefydlog. Rhaid cyfeirio’r rhai hynny sydd angen sylw meddygol brys at un ai’r Adran Achosion Brys neu feddyg y ward.
Amseroedd Agor
Dydd Llun i ddydd Gwener 8:30am – 4:30pm (ac eithrio Gwyliau Banc).
Derbynnir cyfeiriadau yn uniongyrchol at yr uned gan Feddygon Teulu, Bydwragedd a’r Adran Achosion Brys.
Os cewch eich cyfeirio i’r uned, cynigir apwyntiad yn y clinig nesaf sydd ar gael yn seiliedig ar y meini prawf canlynol:
Merched yn ystod wythnos 6-13 o’u beichiogrwydd gyda chanlyniad prawf beichiogrwydd positif a:
- Poen yn y bol
- Gwaedu o’r fagina
- Beichiogrwydd ectopig blaenorol
- Llawdriniaeth flaenorol ar y tiwbiau
- Tri erthyliad naturiol blaenorol neu fwy
- Bod ganddynt gyfarpar atal cenhedlu mewngroth (coil)
Beth sy’n digwydd yn yr apwyntiad?
Byddwch yn gweld Nyrs/Meddyg fydd yn trefnu’r asesiadau canlynol fel sy’n briodol:
- Cofnodi eich hanes meddygol
- Prawf beichiogrwydd
- Profi eich pwysedd gwaed, tymheredd a phwls
- Sgan uwchsain
- Profion gwaed
Prif amcan y gwasanaeth yw asesu a thrin cleifion allanol er mwyn lleihau'r angen am dderbyniadau dianghenraid i'r ysbyty.
Pan fyddwch wedi cael yr holl archwiliadau priodol, bydd y canlyniadau’n cael eu hadolygu ac unrhyw opsiynau triniaeth yn cael eu trafod â chi.
Yn dilyn eich asesiad, os tybir bod angen i chi gael eich derbyn i’r ysbyty, bydd hyn i’r Ward Gynaecoleg gyferbyn â’r uned.