Mae bod yn rhiant yn anhygoel ond gall fod yn straen – felly cofiwch ICON i’ch helpu i ymdopi pan fo’ch babi yn crio
Mae babanod bach yn crio pan fo angen rhiant neu ofalwr arnyn nhw. Mae hyn oherwydd nad yw eu hymennydd wedi datblygu’n llawn, ac nid ydyn nhw’n gallu deall eu hamgylchoedd na rheoli eu hemosiynau eto.
Mae crio i fod yn ofidus i riant. Crio yw dull natur o wneud yn siŵr bod rhieni yn gwybod bod ar eu babanod angen rhywbeth ac o sicrhau eu bod yn rhoi sylw iddyn nhw.
Gall cri olygu llawer o bethau. Fe all eich babi fod yn anghyfforddus, yn newynog neu wedi dychryn.
Weithiau, mae babanod yn crio heb reswm o gwbl – ac weithiau maen nhw’n crio ac nid oes modd eu setlo. Gall hyn fod yn ofidus neu’n rhwystredig i’r babi a’u mam neu eu tad, ond nid yw’n achosi dim niwed a bydd yn stopio yn y pen draw.
Mae crio yn normal a bydd yn dod i ben. Fe allwch chi ymdopi. Mae’n iawn cerdded i ffwrdd os oes angen arnoch chi. Peidiwch fyth ag ysgwyd eich babi. Rhannwch y neges bwysig hon gydag unrhyw un fydd yn gofalu am eich babi.
Mae babanod yn dechrau crio mwy pan fyddan nhw tua 2 wythnos oed. Efallai byddan nhw’n crio’n amlach ac fe all eu crio bara’n hirach dros yr ychydig wythnosau ar ôl hynny. Bydd yn cyrraedd ei anterth tua 6 – 8 wythnos, weithiau ychydig yn hwyrach. Mae pob babi’n wahanol, ond ar ôl tua 2 – 3 mis, mae babanod yn dechrau crio llai a llai bob wythnos.
Ar ôl tua 5 mis, mae arbenigwyr yn dweud bod crio’n dod yn fwy ‘pwrpasol’. Mae hyn yn golygu bod eich babi, ar ôl 5 mis oed yn fwy tebygol o fod yn crio am reswm.
Pan fydd eich babi wedi cynhyrfu neu’n crio, ceisiwch ei siglo’n ysgafn:
Mae babanod yn wastad yn symud o gwmpas yn y groth, felly gall symudiadau araf ac ymlaciol roi llawer o gysur iddynt.
Efallai bod eich babi yn crio oherwydd ei fod yn llwglyd. Efallai y bydd yn cael cysur o’r bwydo, yr agosatrwydd neu’r drefn fwydo.
Mae pob babi’n wahanol, felly rhowch gynnig ar bethau gwahanol i weld beth mae’ch babi yn ei hoffi.
Gallwch ei ddal:
Bydd cadw eich babi’n agos yn ei helpu i deimlo’n ddiogel. Gall cyngor ynghylch cysgu'n ddiogel i fabanod ein helpu i wneud yn siŵr nad ydym yn anfwriadol yn eu rhoi mewn perygl o niwed.
Os yw eich babi’n aflonydd neu’n crio, ewch ag ef allan am dro bach. Weithiau bydd babanod yn hoffi teimlo’r aer ar eu hwynebau.
Gall taith fer yn y car neu fynd ar fws fod yn ymlaciol hefyd. Gall taith fer mewn car neu fws gysuro eich babi. Mae canllawiau ar seddi ceir a gyrru gyda’ch babi ar gael gan y Lullaby Trust (Saesneg yn unig).
Mae babanod wedi arfer clywed synau ysgafn a rhythmig y tu mewn i’r groth, felly er mwyn helpu i dawelu’ch babi gallwch:
Os yw clywed eich babi’n crio’n dechrau mynd yn ormodol:
Cyn belled a bod eich babi’n ddiogel, canolbwyntiwch ar aros yn ddigynnwrf. Ewch yn ôl dim ond ar ôl i’ch babi fynd yn dawel yn sydyn. Ni ddylech adael eich babi ar ei ben ei hun yn rheolaidd, ond weithiau mae’n bwysicach rhoi amser i chi dawelu.
Os ydych yn cael trafferth ymdopi, siaradwch â rhieni eraill, ffrindiau neu aelodau o’ch teulu. Weithiau gall clywed llais cyfeillgar neu gael syniadau newydd fod yr oll sydd ei angen arnoch.
Gallwch hefyd siarad â’ch:
Byddant yn gallu rhoi cyngor a chefnogaeth i chi.