Bydd y rhai sy'n wynebu'r risg uchaf o salwch difrifol yn cael cynnig brechlyn rhag COVID-19 y Gwanwyn o fis Ebrill 2025
Mae COVID-19 yn parhau i gylchredeg yng Nghymru, ac mae’n fwy tebygol o achosi salwch difrifol i bobl hŷn a phobl â chyflyrau iechyd sylfaenol.
Os ydych chi neu'ch anwyliaid yn gymwys i gael brechlyn rhag COVID-19 y Gwanwyn, gwnewch yn siŵr eich bod wedi ychwanegu at eich amddiffyniad. Mae brechlynnau COVID-19 yn gyflym ac yn ddiogel iawn, ac yn lleihau eich risg o salwch difrifol a chael eich derbyn i’r ysbyty.
Bydd y brechlyn yn cael ei gynnig i:
Fel ein hymgyrchoedd brechu rhag COVID-19 blaenorol, bydd unrhyw un sy'n gymwys ar gyfer brechiad Gwanwyn yn cael gwahoddiad trwy lythyr. Mae apwyntiadau gael eu cynnal yn ein canolfannau brechu cymunedol o ganol mis Ebrill ymlaen, a byddant yn cael eu cynnal drwy gydol mis Mai a mis Mehefin. Byddwch yn amyneddgar – nid oes angen i chi cysylltu â ni.
Bydd ein timau’n trefnu i frechu pobl sy’n byw mewn cartrefi gofal i oedolion hŷn gyda rheolwyr y cartrefi gofal. Byddwn yn blaenoriaethu ymweld â chartrefi gofal i frechu'r grŵp hwn yn ystod mis Ebrill. Byddwn hefyd yn cysylltu â phobl sy'n gaeth i'r tŷ i drefnu brechiad.
Gallwch gael rhagor o wybodaeth am frechlyn atgyfnerthu rhag COVID-19 y Gwanwyn a’r newyddion diweddaraf am ein hymgyrch frechu drwy’r dolenni isod.
Ar gyfer ymholiadau am frechu COVID-19 neu i aildrefnu eich apwyntiad brechu, ffoniwch y Ganolfan Gyswllt Brechu COVID-19 ar 03000 840004.
Cysylltwch â ni ymlaen llaw os hoffech aildrefnu apwyntiad yr ydych eisoes wedi'i dderbyn er mwyn caniatáu i aelodau cymwys o'ch teulu neu aelodau eraill o'ch cartref fynychu un o'n clinigau brechu ar yr un pryd.
Mae'r ganolfan gyswllt ar agor 8am-6pm o ddydd Llun i ddydd Gwener. Mae ar gau ar benwythnosau ac ar wyliau banc.
Rhagor o wybodaeth am ffonio ein Canolfan Gyswllt Brechu COVID-19.
Ar gyfer ymholiadau cyffredinol eraill am y rhaglen frechu COVID-19, e-bostiwch BCU.SROCovid19VaccinationProgramme@wales.nhs.uk.
Mae Tocyn COVID y GIG bellach wedi cau. Gweler mwy o wybodaeth yma.