Gwirfoddolwr Robin

Rydym yn recriwtio i’r tîm o Wirfoddolwyr y Robiniaid!

Gwnewch gais i ymuno â’n tîm o Wirfoddolwyr y Robiniaid sy’n prysur dyfu.

Mae gennym lawer o gyfleoedd i gymryd rhan ar draws Gogledd Cymru, ni waeth beth yw eich cefndir, eich sgiliau neu’ch diddordebau. Ymunwch â ni i gefnogi ein staff a’n cleifion.

Pam gwirfoddoli gyda’r Robiniaid?

Dod yn rhan o dîm ymroddedig o wirfoddolwyr yn eich cymuned leol sy’n rhannu’r un weledigaeth o wella profiad pobl yn yr ysbyty.
Y datblygiad personol a’r boddhad wrth helpu eraill ar adeg anodd.
Cael cyfle i gwrdd a sgwrsio gyda phobl o gefndiroedd amrywiol.

Beth mae ein Robiniaid yn ei wneud

Mae ein cynllun gwirfoddoli ysbyty yn mynd o nerth i nerth yn ein cymuned leol a’n hysbytai acíwt. Ar hyn o bryd mae gennym dros gant o wirfoddolwyr brwdfrydig yn helpu i gefnogi cleifion ar draws Gogledd Cymru

Mae Gwirfoddolwyr y Robiniaid (Robiniaid yw eu llysenw oherwydd eu crysau polo coch llachar) yn adnabyddus am eu natur gyfeillgar a'u parodrwydd i helpu eraill.

Mae Cynllun Cyfeillio Ward y Robiniaid BIPBC wedi bodoli ers 2004 yn Ysbyty Glan Clwyd. Yn ogystal, sefydlwyd ein Tywyswyr Gwirfoddol yn 2008 yn Ysbyty Maelor. Cyflwynwyd Cynllun y Robiniaid ar wardiau yn Ysbyty Maelor ac Ysbyty Gwynedd yn 2011, ac yna fe'i cyflwynwyd i'r ysbytai cymunedol. Rydym bellach yn gweithredu ar draws y Bwrdd Iechyd yn cefnogi cleifion a staff.

Prif ddyletswydd ein Robiniaid yw bod yn gymwynasgar gyda’n cleifion, gan roi o’u hamser i siarad gyda phobl.

Yn ogystal, mae’n bosibl y bydd ein Robiniaid yn ein cynorthwyo drwy:

baratoi diodydd poeth ac oer i’n cleifion
gwirio jygiau dŵr
darparu gwasanaeth darllen/ysgrifennu lle bo’n briodol
mynd i siop yr ysbyty
cynorthwyo’r staff nyrsio i wneud y gwelyau
helpu i storio cyflenwadau; tacluso cloeriau cleifion ymysg dyletswyddau eraill
Mewn rhai o'n Hysbytai mae ein Robiniaid yn cynnig gwasanaeth cyfeirio

Pwy all wirfoddoli i ddod yn Robin?

Rydym yn awyddus i glywed gan bobl ddibynadwy, agos atoch ac empathetig. Os ydych yn gallu ateb un neu ragor o’r cwestiynau isod, gall ymuno â’r Robiniaid eich gweddu i’r dim. Ydych chi’n...

Mwynhau her newydd?
Mwynhau helpu eraill, bod yn gymwynasgar gyda’n cleifion neu gyfeirio ymwelwyr?
Eisiau’r profiad o fod yn rhan o dîm mewn amgylchedd ysbyty?

Os ydych dros 17 oed, yn byw‘n ardal BIPBC neu’n agos, a bod gennych ychydig o oriau i'w sbario bob wythnos yn rheolaidd, yna gallai ymuno â'r Robiniaid fod yn addas i chi. Darperir hyfforddiant a chefnogaeth barhaus.

Cysylltwch â ni

Gogledd Orllewin Cymru
Ysbytai yng Ngwynedd ac Ynys Môn

Hannah Coles
Rhif ffôn: 07789855924

Ardal y Canol, Gogledd Cymru
Ysbytai yng Nghonwy a Sir Ddinbych

Owain Rowlands
Rhif ffôn: 01745 448 740 / 07977 148 476

Gogledd Orllewin Cymru
Ysbytai Wrecsam a Sir y Fflint

Julie Parry
Rhif ffôn: 03000 848397 / 07977 689449

Rheolwr Gwirfoddoli
Josh Sealy Peters
Rhif ffôn: 07974411324

Anfonwch e-bost atom: bcu.robins@wales.nhs.uk