'Fe wnaeth y cemotherapi fy helpu i ailafael yn fy mywyd – cefais y gofal gorau posibl'

08.10.2025

I ddathlu Wythnos Ymwybyddiaeth o Oncoleg Acíwt, rydym yn cynnig cipolwg ar y gwaith y bydd ein cydweithwyr yn ei wneud i wella bywydau ein cleifion.

Mae Dr Max Gibb, yr oncolegydd meddygol ymgynghorol ac Aisling Rogers-Pangrazio, y nyrs oncoleg acíwt, yn enghreifftiau o’r ddynoliaeth , yn ôl Suzanne Cocking, claf canser.

Mae Suzanne yn byw ger Llangollen ac roedd hi eisoes wedi cael canser y fron dros ddegawd yn ôl. Pan ddychwelodd y cyflwr y llynedd, cafodd ei bwrw oddi ar ei hechel gan y newyddion ond disgrifiodd sut y gwnaeth Dr Max ac Aisling ei chynorthwyo i "angori" a'i helpu i ailafael yn rhywfaint o'r bywyd yr oedd hi’n credu ei bod wedi'i golli.

Ni all neb adrodd y stori honno'n well na Suzanne. Felly dyma ei phrofiad, yn ei geiriau ei hun.

Darllenwch fwy: Canser - Bwrdd Iechyd Prifysgol Betsi Cadwaladr

Dywedodd hi: "Dychwelodd canser y fron ar ôl 12 mlynedd fis Awst diwethaf. Dechreuais gael cemotherapi ym mis Tachwedd y llynedd. Cefais rywfaint o broblemau oherwydd roedd y cemotherapi yn gwneud i mi deimlo’n sâl, ac ym mis Rhagfyr, bu’n rhaid i mi dreulio 10 diwrnod yn yr ysbyty.

"Roedd gen i wres mawr ac fe ddigwyddodd yr un peth ym mis Ionawr, pan dreuliais ddwy wythnos a hanner yn Ysbyty Maelor Wrecsam.

"Roedd y staff yn wych ond roeddwn i'n cael fy symud yn aml o ward i ward oherwydd y pwysau ar le yn yr ysbyty. Nid oedd unrhyw barhad. Credaf  fy mod  wedi symud tua saith gwaith mewn pythefnos a hanner. Rwy'n gwybod nad oes bai ar neb, pwysau sy’n gyfrifol am hynny.

"Yn yr holl wardiau, roedd y meddygon a'r nyrsys yn wych, ond pan na fyddwch chi’n dda iawn  a byddwch chi’n cael symud, ni fydd hynny’n ddelfrydol.

"Fodd bynnag, Dr Max ac Aisling oedd yr elfennau cyson i mi. Fe wnaethant barhau i ymweld â pha bynnag ward yr oeddwn arni. Dyma'r unig gysylltiad â’r gwasanaeth oncoleg a doeddwn i ddim yn teimlo fy mod i ar goll.

Darllenwch fwy: Y Dyngarwr Steve Morgan CBE yn agor canolfan newydd i gynorthwyo cleifion canser yng Ngogledd Cymru - Bwrdd Iechyd Prifysgol Betsi Cadwaladr

"Fe wnaeth hynny gynnig ymdeimlad o sicrwydd i mi, ac roedd arnaf i angen hynny. Roeddent yn rhadlon iawn, yn ddi-lol yn garedig ac yn galonogol. Mae siarad am y profiad yn gwneud i mi deimlo’n eithaf emosiynol. Bydd gweld y ddau yn gwneud i mi deimlo’n eithaf emosiynol. Hwy oedd fy angora i, y pethau cyson yn y cyfnod ansicr hwnnw.

"Roedd hynny’n gysur i fy ngŵr hefyd. Nid oedd neb yn gallu dweud pryd y gallwn ddisgwyl gadael yr ysbyty, ac roedd yn gwneud i mi deimlo’n fwyfwy pryderus ond roedd  Mike fy ngŵr yn gwybod eu bod yn gwneud i mi deimlo'n well.

"Byddant yn gwneud i chi deimlo’n galonogol ac yn ceisio gwneud eu gorau drosoch chi. Maent yn rhadlon iawn a byddant yn eich trin fel unigolyn. Byddwch chi’n teimlo eich bod chi’n bwysig a dweud y gwir.

"Rwy'n gwybod na wnaiff y canser ddiflannu ac a’i fod yn cael ei reoli. Byddaf yn cael pigiadau, un bob tair wythnos ac un misol, ynghyd â thabled ddyddiol.

"Rwyf wedi dychwelyd i weithio rhyw ddeuddydd bob wythnos. Rwy'n gweithio yn Rheilffordd Stêm Llangollen ac rwyf hyd yn oed wedi ailafael yn fy nosbarthiadau dawnsio.

"Dychwelodd canser y fron gan ymledu i fy ysgyfaint, fy iau a'm hesgyrn. Ni allwn ddringo’r grisiau heb oedi i anadlu. Y gymysgedd y maent wedi’i roi i mi, sy’n fy ngalluogi i ddychwelyd i ddosbarth dawnsio unwaith eto  – allwn i ddim credu'r peth. Ym mis Rhagfyr, wyddwn i ddim a fyddai hynny'n digwydd eto.

"Nawr, pan fyddaf yn gweld Dr Max ac Aisling, byddant yn wirioneddol falch o'm gweld a byddaf innau bob amser yn falch o'u gweld hwythau.

 “Mae’r cemotherapi wedi fy helpu i ailafael yn fy mywyd. Cefais y gofal gorau posibl.”

Darllenwch fwy: £4.4 miliwn ar gyfer offer diagnostig newydd yn ysbytai'r Gogledd - Bwrdd Iechyd Prifysgol Betsi Cadwaladr

Dywedodd Aisling Rogers-Pangrazio y nyrs oncoleg acíwt: "Rwy'n mwynhau bod yn nyrs Oncoleg Acíwt oherwydd mae'n fy ngalluogi i wneud gwahaniaeth ystyrlon yn ystod rhai o gyfnodau mwyaf heriol taith canser claf.

"Mae clywed geiriau caredig Suzanne yn brofiad aruthrol ac rwyf mor falch ei bod hi'n byw bywyd hyd eithaf ei gallu ar ôl popeth y mae hi wedi’i brofi."

Dywedodd Dr Max Gibb yr oncolegydd meddygol ymgynghorol,: "Credaf fod stori Suzanne yn dwyn sylw at bwysigrwydd y gwasanaethau oncoleg acíwt o safbwynt y claf. Mae gorfod treulio cyfnodau mewn ysbyty yn brofiad brawychus a gall fod yn anodd iawn ymdopi â’r profiad hwnnw, yn enwedig yng nghyd-destun diagnosis yn cadarnhau canser.

"Rydym ar gael i gynnig y cymorth a’r cyd-destun gofynnol i gleifion fel Suzanne, yn ogystal â'r timau yn yr ysbyty sy'n gofalu amdanynt. Rwy'n falch iawn bod Suzanne wedi gallu ailafael yn llawer o'r pethau yr oedd hi'n gallu eu gwneud cyn ei diagnosis."

Rydym wedi lansio ein sianel WhatsApp swyddogol i rannu manylion, newyddion, digwyddiadau a gwybodaeth bwysig am y Bwrdd Iechyd yn eich ardal leol. Dilynwch ni yma: Dilynwch ni ar WhatsApp - Bwrdd Iechyd Prifysgol Betsi Cadwaladr