Gwasanaeth Anhwylder Symud

Mae'r Gwasanaeth Anhwylder Symud yn cynnig asesiadau arbenigol a rheolaeth barhaus i bobl sy'n byw gyda Chlefyd Parkinson Idiopathig yn ogystal â mathau eraill o glefydau Parkinson.

Mae Clefyd Parkinson yn gyflwr niwrolegol graddol sy'n effeithio ar yr ymennydd. Fe'i hachosir gan ostyngiad yn y cemegyn a elwir dopamin. Mae dopamin yn helpu'ch corff i symud yn iawn. Heb lefel ddigonol o dopamin efallai y byddwch chi'n profi problemau, yn cynnwys:

• Cryndod – lle mae rhannau o'ch corff yn crynu
• Bradykinesia – araf wrth symud
• Anystwythder –  yn anystwyth ac anhawster symud
• Symptomau diffyg symud - gan gynnwys poen, anhawster cysgu a phroblemau iechyd meddwl

Gall y Tîm Anhwylder Symud eich helpu i reoli'r symptomau hyn. Yn aml, cyflawnir hyn trwy sicrhau eich bod yn cael presgripsiwn meddyginiaeth briodol. Gallwn hefyd gyfeirio at wasanaethau cymorth lleol gan gynnwys fferyllfa, ffisiotherapi, therapi iaith a lleferydd, therapi galwedigaethol a dieteteg.

Ar ôl cael diagnosis o Glefyd Parkinson Idiopathig neu fath arall o glefyd Parkinson, byddwch yn cael eich gwahodd i fynychu'r Gwasanaeth Anhwylder Symud i fonitro'ch cyflwr a helpu i reoli'ch symptomau. Mae'r Gwasanaeth Anhwylder Symud yn cynnal clinigau yn:

Ynys Môn a Gwynedd

• Ysbyty Alltwen (Tremadog),
• Ysbyty Dolgellau,
• Ysbyty Eryri (Caernarfon),
• Ysbyty Penrhos Stanley (Caergybi) 

Conwy a Sir Ddinbych

• Ysbyty Glan Clwyd
• Ysbyty Cyffredinol Llandudno

Sir y Fflint a Wrecsam  

• Ysbyty Maelor Wrecsam Maelor
• Ysbyty Cymuned y Waun
• Ysbyty Cymuned yr Wyddgrug
• Ysbyty Cymuned Glannau Dyfrdwy

Cefnogir y Gwasanaeth Anhwylder Symud gan dîm o Nyrsys Arbenigol Clefyd Parkinson:

• Ardal y Gorllewin - Ffion Mair Jones, Ceri Hughes a Helen Hughes 03000 851572 
• Ardal y Canol - Joanne Potter, Angela Mitchell a Carly Griffiths (Sir Ddinbych a Chonwy) 01745 448788 est 6297 
• Ardal y Dwyrain  - Mirain Allen (Sir y Fflint) 03000 858725, Anna Andrews a Catherine Parry (Wrecsam) 03000 847148 

Cwestiynau Cyffredin