Yn hynod flinedig, ychydig iawn y galla' i ei wneud
Rydych chi'n flinedig iawn bob dydd a byddwch yn teimlo'r angen i eistedd neu orffwys yn aml, rydych hefyd yn teimlo'n fyr o wynt ac mae gwneud tasgau o ddydd i ddydd yn anodd iawn. Ymddengys nad yw ymarfer corff yn bosibl.
Defnyddiwch y graddfeydd hyn i weld y cyngor sydd fwyaf addas ar gyfer eich lefelau gorflinder presennol. Cofiwch, gallai eich graddfeydd newid dros amser ac mae'n iawn dychwelyd i'r dudalen hon i ailraddio lefelau eich gorflinder.
Gorflinder difrifol gydag effaith fawr ar weithgareddau o ddydd i ddydd
Pan fyddwch yn teimlo hynod flinedig bob dydd, efallai y bydd gwneud tasgau o ddydd i ddydd yn teimlo'n amhosibl. Mae hyn yn rhwystredig ac yn ofidus a gall achosi meddyliau a theimladau anodd, sydd ynddynt eu hunain yn cyfrannu at orflinder.
Un dechneg i helpu i reoli meddyliau a syniadau anodd yw meddwlgarwch.
Mae meddwlgarwch yn ymwneud â bod yn ymwybodol o'ch meddyliau a'ch teimladau wrth iddynt ddigwydd o un eiliad i'r llall.
Mae'r ymwybyddiaeth hon yn helpu i ddangos pan fyddwch yn canolbwyntio ar feddyliau mewn ffordd nad yw'n ddefnyddiol ac mae'n caniatáu i chi gymryd cam yn ôl o'ch meddyliau ac i ddewis canolbwyntio ar y byd o'ch amgylch yn hytrach.
Gall y dechneg hon eich helpu i sylwi ar arwyddion straen a gofid ac i ddelio â nhw'n gynt ac yn fwy effeithiol gan helpu i reoli'r agweddau emosiynol a meddyliol ar orflinder.
- NHS UK - Mae'n darparu gwybodaeth am feddwlgarwch ac ymarferion ymlacio a allai fod yn fuddiol i chi.
- Mae rhagor o wybodaeth am feddwlgarwch ar gael ar wefan Cadw Fi’n Iach gan Fwrdd Iechyd Prifysgol Caerdydd a'r Fro.
Cyflwyno gweithgarwch ysgafn
Pan fyddwch yn teimlo'n hynod flinedig, gall gweithgarwch corfforol deimlo'n amhosibl. Fodd bynnag, bydd cyflwyno ychydig bach o weithgarwch ysgafn iawn yn helpu i ddechrau ail-wefru eich batri a gwella lefelau eich egni. Dyma ddolenni i fideos gyda symudiadau Tai Chai ysgafn y gallwch eu gwneud wrth eistedd yn eich cadair:
Cylch diffyg gweithgarwch
Bydd deall cylch diffyg gweithgarwch yn helpu i ddeall pam mae gweithgarwch corfforol yn fuddiol i reoli gorflinder.
- Diffyg gweithgarwch
- Cyhyrau'n gwanhau
- Teimlo'n fwy gorflinedig
- Gorffwys mwy
- Cyhyrau'n gwanhau
- Mae gweithgareddau syml yn teimlo'n fwy llafarus
- Dechrau osgoi gweithgareddau
Gallai hefyd fod yn ddefnyddiol siarad â'ch darparwr gofal iechyd am fynd i'r afael ag unrhyw ffactorau isorweddol fel anaemia a chymeriant maethol is.
Mae Macmillan wedi cynhyrchu gwybodaeth am orflinder sy'n gysylltiedig â chanser a allai fod yn ddefnyddiol. Mae hwn ar gael ar ffurf llyfr llafar neu destun ysgrifenedig:
- Cymorth Canser Macmillan - Llyfr llafar ymdopi â gorflinder
- Cymorth Canser Macmillan - Llyfr llafar ymdopi â gorflinder
Mae'r graddfeydd hyn wedi cael eu haddasu o Fitch, M.I., et al., The fatigue pictogram: psychometric evaluation of a new clinical tool. Canadian Onclology Nursing Journal, 2011. 21(4): p. 206 gyda diolch.