Llunio Dyfodol Ysbyty Llannerch Banna

Cafodd gwelyau'r cleifion mewnol yn Ysbyty Llannerch Banna eu cau dros dro ym mis Rhagfyr 2024 oherwydd pryderon ynghylch cynaliadwyedd y model gofal a heriau parhaus yn ymwneud â staffio. Yn hanesyddol, mae Ysbyty Llannerch Banna wedi cynnig gofal cam-i-lawr i gleifion lle nad oes angen triniaeth mewn ysbyty acíwt mwyach ond lle bo angen cymorth cyn dychwelyd adref neu symud at leoliad arall.

Mae nifer y cleifion sy'n addas i gael y math hwn o ofal wedi bod yn gyfyngedig, ac mae anawsterau parhaus o ran recriwtio a dibynnu ar staff dros dro wedi'i gwneud yn fwyfwy anodd cynnig gofal diogel a chynaliadwy.

Mae'r Bwrdd Iechyd bellach yn dechrau cynnal adolygiad ffurfiol o'r gwasanaeth ac arfarniad opsiynau er mwyn ystyried beth sy'n bosibl o ran dyfodol gwasanaethau yn Llannerch Banna. Mae hyn yn cynnwys ailystyried p'un a ellid ailagor y ward, ochr yn ochr ag ystyried dewisiadau eraill sy'n ddiogel ac o ansawdd uchel i ddiwallu anghenion y gymuned leol.

Dweud eich Dweud

I ategu'r broses hon, rydym yn gwahodd pobl sy'n byw ac yn gweithio'n lleol i rannu eu barn trwy arolwg byr ar-lein. Bydd eich adborth yn helpu i lunio'r ystyriaethau cynnar a bydd yn sail i ddatblygu opsiynau cyn i'r camau nesaf gael eu cymryd. Caiff penderfyniad terfynol ei wneud gan y Bwrdd Iechyd ym mis Rhagfyr.

Cwblhewch yr arolwg: Arolwg Llannerch Banna.

Gobeithiwn y byddwch yn cymryd ychydig funudau i roi gwybod i ni am eich barn chi. Mae'ch cyfraniad chi'n bwysig, ac rydym yn ymrwymedig i'ch diweddaru'n gyson wrth i'r broses barhau.

Byddem hefyd yn fwy na pharod i ddod i gyfarfodydd lleol neu sesiynau grwpiau cymunedol i glywed eich barn wyneb yn wyneb. Os ydych yn rhan o grŵp a fyddai'n hoffi cynnal trafodaeth fer neu os byddech yn croesawu ymweliad gan dîm y Bwrdd Iechyd, rhowch wybod i ni.

Tanysgrifiwch

Gallwch dderbyn diweddariadau’n uniongyrchol i’ch mewnflwch e-bost, yn ogystal â chyfleoedd yn y dyfodol i gymryd rhan mewn llunio dyfodol Ysbyty Llannerch Banna, trwy danysgrifio i e-newyddlen y Bwrdd Iechyd yma.

Cysylltwch â ni

Dweud eich dweud ac rhannwch eich adborth amdan Ysbyty Llannerch Banna: PBC.cymrydrhan@wales.nhs.uk