Jane Moore
Jane yw ein Cyfarwyddwr Gweithredol Iechyd Cyhoeddus, sy’n gyfrifol am ddiogelu a gwella iechyd pobl Gogledd Cymru. Nod iechyd y cyhoedd yw cadw pobl yn iach a gwella canlyniadau iechyd i bob aelod o'r gymuned, gan gynnwys y cymunedau a'r grwpiau hynny sydd â'r canlyniadau iechyd gwaethaf. Mae hefyd yn ymwneud ag amddiffyn y boblogaeth rhag risgiau iechyd y boblogaeth, er enghraifft rhag achosion o glefydau heintus.
Yn ogystal, Jane yw'r cyfarwyddwr gweithredol sy'n gyfrifol am Gynllunio Argyfwng, Gwydnwch ac Adferiad. Y nod yw gwneud y gorau o iechyd a lles pobl Gogledd Cymru.
Cyflawnir ein gwaith ataliol drwy bedair rhaglen allweddol:
- Diogelu Iechyd - yn cynnwys diogelu iechyd a brechu / imiwneiddio
- Gofal Iechyd Iechyd y Cyhoedd - yn cynnwys gwybodaeth iechyd a rhaglenni mawr
- Anghydraddoldebau Iechyd
- Gwella Iechyd
Rydym yn gweithio gyda phartneriaid y tu mewn a’r tu allan i’r bwrdd iechyd i ddatblygu dulliau systemau cyfan o wella iechyd a llesiant sy’n mynd i’r afael ag amrywiadau mewn canlyniadau iechyd, gwella gallu gwasanaethau iechyd a gwasanaethau eraill i fynd i’r afael ag anghenion y boblogaeth, ac amddiffyn y rhai sydd fwyaf agored i niwed rhag risgiau iechyd presennol, newydd a rhai sy’n dod i’r amlwg.
Cyn hynny bu Jane yn gweithio i gyrff Comisiynu’r GIG yn Lloegr fel Cyfarwyddwr yn canolbwyntio ar leihau anghydraddoldebau iechyd, gwella gwybodaeth iechyd y boblogaeth, a chyflawni trawsnewid strategol effeithiol. Yn ystod Covid bu’n Gyfarwyddwr EPRR ar gyfer System Gofal Integredig Swydd Stafford a Stoke-on-Trent lle bu’n cydlynu ymateb y system iechyd i Covid. Cyn hyn roedd yn Gyfarwyddwr Atal a Lles Awdurdod Cyfunol Gorllewin Canolbarth Lloegr (WMCA) lle bu’n arwain gwaith ar gychwyn a datblygu’r agenda iechyd o fewn y WMCA. Mae hi hefyd wedi gweithio ar lefel leol fel Cyfarwyddwr Iechyd Cyhoeddus yn Coventry (datblygu’r Ddinas Marmot gyntaf erioed), ac yn Llundain (gan gynnwys datblygu cynlluniau EPRR Gogledd-ddwyrain Llundain y GIG ar gyfer Gemau Olympaidd 2012) ac mae wedi cyflawni nifer o rolau GIG cenedlaethol a rhanbarthol yn Lloegr gan gynnwys Cyfarwyddwr Ansawdd a Diogelwch Cleifion yn yr Adran Iechyd, ac un o Ddirprwy Gyfarwyddwyr Iechyd Cyhoeddus Llundain. Mae ffocws cryf ar draws ei gyrfa wedi bod ar Anghydraddoldebau Iechyd a’r defnydd o ddata a thystiolaeth i gefnogi gwneud penderfyniadau effeithiol a datblygu, darparu a gwerthuso gwasanaethau.