SEXtember 2022 – Ewch am brawf

Gall HIV effeithio ar unrhyw un, gan gynnwys chi. Gadewch i ni gael profion.

Cael rhyw? Ewch am brawf.

Gallai unrhyw un ddal HIV gan bartner rhywiol sydd â’r feirws HIV. Gall profi rheolaidd helpu i'ch amddiffyn chi a'ch partner, a helpu i atal y feirws rhag lledaenu ymhellach.  

Mae profion yn rhad ac am ddim, yn hawdd ac yn gyfrinachol. Gallwch archebu pecyn profi gartref, neu fynd i un o'n clinigau iechyd rhyw neu'ch meddygfa. 

Gellir trin HIV, a gellir ei reoli'n ddiogel gyda meddyginiaeth. Mae llawer o bobl yn byw bywydau hir ac iach o gael triniaeth effeithiol, heb drosglwyddo'r feirws.  

Mae profion rheolaidd yn ein helpu i atal lledaeniad HIV ac i ddal achosion newydd yn gynnar. Bydd cyfraddau uwch o brofion HIV yn ein helpu i gyflawni targed Llywodraeth Cymru a Sefydliad Iechyd y Bydo weld dim heintiau HIV newydd erbyn 2030.  

Mae gan bobl sy'n derbyn diagnosis hwyr risg gynyddol o salwch, cymhlethdodau a mwy o debygolrwydd o drosglwyddo'r feirws i eraill. Gan amlaf, y bobl sy'n derbyn diagnosis yn hwyr yw dynion a menywod heterorywiol. 

Lawr lwytho adnoddau

• Lawr lwytho'r cerdyn post SEXtember dwyieithog
• Lawr lwytho’r poster SEXtember dwyieithog (A3) - 'Perthynas newydd?'
• Lawr lwytho’r poster SEXtember dwyieithog (A3) - 'Cael rhyw?'

Gellir cael mwy o wybodaeth am ddulliau atal cenhedlu, beichiogrwydd, STIs a rhyw gan Sexwise.

Gallwch ddysgu mwy am fenter ymwybyddiaeth ac addysg i'r cyhoedd Tackle HIV, dan arweiniad Gareth Thomas gyda ViiV Healthcare a Terrence Higgins Trust. 

Oes angen i chi gysylltu â'ch gwasanaethau iechyd rhyw lleol?

Gall eich clinig iechyd rhyw lleol lleol, Meddyg Teulu neu'r Ganolfan Cyfeirio Ymosodiadau Rhyw roi cymorth a chyngor manwl.