Ar gyfer symptomau difrifol sy’n bygwth bywyd megis poen yn y frest, llewygu, problemau anadlu, poen yn yr abdomen, problemau sy’n gysylltiedig ag alcohol neu orddos cyffuriau, ffoniwch 999 neu ewch i’ch Adran Achosion Brys agosaf.
Mae dewis y gwasanaeth cywir ar gyfer mân anafiadau ac afiechydon yn golygu y byddwch yn cael y gofal sydd ei angen arnoch cyn gynted â phosibl, gan helpu i gadw gwasanaethau brys ar gael i'r rhai sydd eu hangen ar gyfer yr afiechydon a'r anafiadau mwyaf difrifol.
Mae nifer o wasanaethau GIG lleol ar draws Gogledd Cymru, o fferyllfeydd i bractisiau meddygon teulu, Unedau Mân Anafiadau, GIG 111 Cymru a mwy.
Bwriad y wybodaeth ar y dudalen we hon yw eich helpu i ddod o hyd i’r gwasanaeth cywir a gwneud y dewis cywir. Rydym yn gwerthfawrogi eich adborth ar ba mor ddefnyddiol yw'r wybodaeth hon trwy ein ffurflen adborth ar-lein.