Canolfannau Gofal Cychwynnol Brys

Nid yw Canolfannau Gofal Cychwynnol Brys (UPCC) yn gweithredu fel clinigau galw heibio. Cysylltwch â'ch practis meddyg teulu yn y lle cyntaf, byddan nhw'n penderfynu a ydych chi'n addas i'ch atgyfeirio i'r gwasanaeth. Bydd cleifion sy'n dod i Adrannau Achosion Brys yn cael eu brysbennu yn y modd arferol ac yn cael eu hatgyfeirio i dîm UPCC os yw'n briodol.

Mae Canolfannau Gofal Cychwynnol Brys yn trin cleifion ag anghenion gofal cychwynnol brys ar yr un diwrnod, gan greu capasiti i gefnogi meddygfeydd meddygon teulu a lleihau ymweliadau diangen â’r Adran Achosion Brys.

Mae tîm sy'n cynnwys Uwch Ymarferwyr Nyrsio, Meddygon Teulu a Ffisiotherapyddion yn cydweithio i ddarparu gofal i bobl sydd wedi ceisio gofal gan eu Meddyg Teulu neu'r Adrannau Achosion Brys.

Bydd cleifion sy'n cael eu hatgyfeirio at y gwasanaeth yn cael ymgynghoriad ffôn gyda Chlinigydd UPCC. Os yw'n briodol, gellir gwahodd cleifion i fynychu apwyntiad wyneb yn wyneb yn un o leoliadau UPCC.

Mae’r cyflyrau a welwyd yn yr UPCC yn cynnwys:

Poen abdomenol*
Sinwsitis acíwt
Rhwymedd
Poen clust/corff dieithr yn y glust
Atal cenhedlu brys*
Brathiadau / pigiadau pryfed
Poen acíwt/newydd mewn cangen neu gefn*
Haint ar ôl llawdriniaeth
Brechau / Heintiau croen / llid yr isgroen*
Heintiau Resbiradol
Eryr
Anaf i feinwe meddal*
Tonsilitis / dolur gwddf
Heintiau wrinol*

*rhai eithriadau heb eu cynnwys

Canolfannau Gofal Cychwynnol Brys

Y tu allan i'r oriau agor hyn, bydd y tîm Meddygon Teulu y Tu Allan i Oriau presennol yn parhau i gefnogi cleifion ac Adrannau Achosion Brys lle bo'n briodol.

Ysbyty Gwynedd, LL57 2PW

Ar agor: 9.00am i 6.00pm, dydd Llun, dydd Mercher a dydd Iau.

Ysbyty Penrhos Stanley, LL65 2QA

Ar agor: 9.00am i 6.00pm, dydd Llun, dydd Mawrth, dydd Iau a dydd Gwener.

Ysbyty Alltwen, LL49 9AQ

Ar agor: 9.00am i 6.00pm, dydd Mawrth, dydd Mercher a dydd Gwener.

Uned Mân Anafiadau Ysbyty Cymunedol yr Wyddgrug, CH7 1XG

Ar agor: 9:00am i 4:00pm o ddydd Llun i ddydd Gwener.

Adran Cleifion Allanol Ysbyty Maelor Wrecsam, LL13 7TD

Ar agor: 9:00am i 6:00pm o ddydd Llun i ddydd Gwener.