Bydd merched beichiog yn cael cynnig brechlyn rhag y ffliw y GIG fel rhan o'u gwiriadau iechyd beichiogrwydd arferol
Bydd y brechlyn hwn yn helpu i amddiffyn merched beichiog rhag y ffliw ar adeg pan fo eu system imiwnedd yn wannach yn naturiol.
Gall merched beichiog gael brechlyn rhag y ffliw unrhyw bryd yn ystod eu beichiogrwydd. Er mwyn sicrhau'r amddiffyniad gorau posibl i'ch babi a chi, trefnwch apwyntiad i gael eich brechu cyn gynted â phosibl yr hydref hwn.
Bydd eich meddygfa neu eich bydwraig gymunedol yn cysylltu â chi i gynnig apwyntiad, neu cadwch lygad am glinigau sy’n cael eu hysbysebu gan eich meddygfa, lle gellir archebu apwyntiad.
Gall menywod beichiog nad ydynt wedi cael brechlyn rhag y ffliw gan y GIG y gaeaf hwn hefyd ymweld ag un o'n clinigau brechu cymunedol heb apwyntiad i gael y brechlyn.
Bydd merched hefyd yn cael cynnig brechlynnau rhag pertwsis (y pâs) ac RSV yn ystod eu beichiogrwydd. Os oes gennych system imiwnedd wannach oherwydd cyflwr iechyd neu driniaeth feddygol, efallai y byddwch yn derbyn cynnig brechlyn rhag COVID-19.
Manteisiwch ar y cynnig i amddiffyn eich hun a'ch babi rhag risg o salwch difrifol.