Accordion 1

Lle mae’n ddiogel gwneud hynny, cewch ddewis y math o gyswllt fyddai orau gennych, gan gynnwys adolygiadau wyneb-yn-wyneb, dros y ffôn neu fideo lle bo hyn ar gael. Byddwn yn gofyn i chi a oes gennych le tawel, preifat lle medrwch drafod eich iechyd meddwl mewn ffordd onest ac agored.

Bydd eich gweithiwr iechyd proffesiynol yn wastad yn ceisio ateb eich dewis o fath o gyswllt, ac ar yr un pryd reoli’r risgiau sy’n gysylltiedig â feirws COVID-19 a’r angen i’ch cadw chi, eich anwyliaid a’n staff yn ddiogel.

Dylai eich cynlluniau gofal a thriniaeth roi manylion y trefniadau cyswllt y cytunwyd arnynt gyda’ch cydlynydd gofal. Mae hyn yn broses ddwyffordd lle’r ydych chi yn gwybod sut a phryd i gysylltu â hwy, a’ch bod yn cytuno pa mor aml y dylent hwy gysylltu â chi.

Disgwylir i’r galw am wasanaethau iechyd meddwl gynyddu’n sylweddol, wrth i effaith pandemig COVID-19 ar iechyd meddwl pobl ddechrau dod yn amlwg. O’r herwydd, efallai y byddwch yn wynebu oedi hwy nac arfer am gefnogaeth gan wasanaethau iechyd meddwl arbenigol.

Fodd bynnag, rydym yn gwneud pob ymdrech i leihau’r amseroedd aros oherwydd ei bod yn bwysig cael cefnogaeth mor gynnar ag sydd modd

Mae nifer o bethau y medrwch wneud i ofalu am eich iechyd meddwl a’ch lles tra byddwch yn aros nes y daw cefnogaeth fwy arbenigol ar gael.