Accordion 0

Medrwch - mae modd o hyd cysylltu’n uniongyrchol â thimau gofal iechyd, ac y mae’n bwysig eich bod yn gwneud hynny os oes gennych unrhyw bryderon. Fodd bynnag, chaiff gweithwyr iechyd proffesiynol ddim fel arfer rannu gwybodaeth gyfrinachol am eich perthynas gyda chi, oni fydd y perthynas yn cytuno. Gallwch ddarllen mwy am hyn ar ‘Cyfrinachedd a rhannu gwybodaeth: I ofalwyr, cyfeillion a theuluoedd’ trwy glicio yma: www.rethink.org/advice-and-information/carers-hub/confidentiality-and-information-sharing-for-carers-friends-and-family/.  

Medrwch chi a’ch perthynas gymryd camau er mwyn i weithwyr proffesiynol allu rhannu gwybodaeth gyda chi. Gweler yr adran dan y teitl ‘Pa drefniadau fedra’i wneud at y dyfodol?’ yn y ddolen uchod.

Fe welwch y gall eich perthynas lofnodi ffurflen gydsynio i ganiatáu i chi gael gwybodaeth gan y gweithwyr proffesiynol.

Gall mudiadau gofalwyr roi gwybodaeth, cyngor a chefnogaeth berthnasol. Gallant wneud y canlynol:

• Rhoi rhywun i gael sgwrs â hwy
• Rhoi gwybod i chi am eich hawliau (gan gynnwys cyngor am fudd-daliadau lles)
• Helpu i gael asesiad gofalwr
• Eich helpu i ddatblygu cynllun sy’n cefnogi eich anghenion
• Eich rhoi mewn cysylltiad â grwpiau gofalwyr lleol fel y medrwch gysylltu â gofalwyr eraill

Mae’n bwysig i chi gofio eich bod yn gwneud eich gorau ar yr adeg anodd hon, felly byddwch yn garedig wrthych eich hun.